Huisgenoot Beste Resepte: Braai
SPESERY-BLOMKOOL
Blomkool is die ideale bykos as jy koolhidrate probeer vermy.
1 heel blomkool sout na smaak
5 ml (1 t) heel komynsade knypie fyn kaneel en koljander
30 ml (2 e) sesamsade of 60ml(¼k)gekapte neute
olie
125 ml (½ k) growwe vars
broodkrummels
60 ml (¼ k) parmesaankaas, gerasper pietersielie, fyn gekap, vir
afronding
1 Geur die blomkool goed met die sout.
2 Meng die komynsade, kaneel, koljander en sesamsade of gekapte neute met genoeg olie om ’n pasta te vorm en smeer dit oor die blomkoolkop.
3 Meng die broodkrummels en parmesaankaas en rol die blomkoolkop daarin.
4 Smeer ’n groot vel tinfoelie met olie of botter en draai die blomkool daarin toe. Plaas tussen die kole en bak sowat 40 minute tot gaar.
5 Sny in steaks, sprinkel die pietersielie oor en sit voor.
In die oond Bak 40 minute teen 180 °C tot die kool net sag en die broodkrummels bros en bruin is.