KOOLSLAAI-WORSROL

SLAAISOUS

125 ml (½ k) mayonnaise van ’n goeie

gehalte

15 ml (1 e) aangemaakte mosterd

5 ml (1 t) Dijonmosterd

30 ml (2 e) heuning

KOOLSLAAI

500 ml (2 k) fyn gesnyde kopkool

125 ml (½ k) fyn gerasperde wortels 2-3 fyn gekapte stingeluie hand vol sultanas goeie hand vol pekanneute vir bo-oor

sprinkel

WORSROL

4 rogbroodrolletjies, gehalveer

500 g boerewors

1 Slaaisous Meng al die bestanddele.

2 Slaai Meng al die bestanddele behalwe die neute en voeg die helfte van die sous by. Meng goed.

3 Worsrol Braai die wors op die kole tot gaar (aanwysings op bl. 12). Terwyl die wors gaar word kan jy die rolletjies ook vinnig oor die vuur rooster.

4 Plaas die wors in die rolletjie, skep van die koolslaai op, skep van die orige mayonnaise-sous oor en sprinkel die neute oor.

GENOEG VIR

4 MENSE Bereiding 30 minute Gaarmaaktyd

10 minute