Huisgenoot Beste Resepte: Braai
PAN-BRUINTJIES
7 GENOEG VIR
8MENSE Bereiding 20 minute
Baktyd 15-20 minute
250 ml (1 k) suiker
3 eiers
250 ml (1 k) koekmeel
125 ml (½ k) kakao knippie sout
125 g botter
60 ml (¼ k) room
150 g donkersjokolade, in stukke gebreek roomys en vars bessies vir voorsit
1 Klits die suiker en eiers saam in ’n bak.
2 Sif die meel, kakao en sout saam in ’n aparte bak.
3 Smelt die botter en room in ’n gietysterpan, voeg die sjokolade by en roer tot gesmelt. Laat dit 5 minute afkoel.
4 Voeg die sjokolademengsel by die eiermengsel en meng. Vou die meelmengsel by.
5 Was die gietysterpan, smeer met botter en giet die beslag in.
6 Bedek die pan met ’n dubbellaag tinfoelie. Plaas dit hoog op matige kole met ’n paar kole bo-op. Bak 15-20 minute of tot stewig maar steeds effens loperig in die middel.
7 Sit voor saam met roomys en bessies.
In die oond Bak die bruintjies in die pan teen 180 °C.