Huisgenoot Beste Resepte: Braai
Gevlekte lamsboud
VLEIS
1 lamsboud, ontbeen en gevlek sout en peper
400 ml blatjang-en-tamatiemarinade (resep op bl. 15) KOMKOMMERPIEKELSLAAI
2 Israeliese komkommers, in dun
skyfies gesny
1 groot rooi-ui, in ringe gesny 80 ml (¹⁄3 k) witwynasyn
45 ml (3 e) suiker bietjie water sout en peper 1 Vleis Geur die gevlekte boud met die sout en peper en verf die marinade oor. Laat oornag marineer.
2 Verwyder die vleis uit die marinade, geur weer met sout en peper en braai 45-60 minute op matige kole. Draai dikwels en verf gereeld met die marinade. Braai tot bruin buiteom en steeds effens pienk van binne.
3 Laat 10 minute rus.
4 Slaai Plaas intussen die komkommer en ui in ’n bak. Meng die res van die bestanddele en giet dit oor die slaai.
5 Verhit die orige marinade tot kookpunt. Sny die boud in skyfies en sit saam met die sous en slaai voor.