Huisgenoot Beste Resepte: Braai
Braaitjops
BRAAITJOPS
“My ma, Denise Jute, is ’n uitstekende kok, maar toe ek getroud is, kon ek nie eens rys kook nie. Ek het soggens vleis ontvries en saans my ma gebel om ’n maklike resep by haar te kry. Hierdie tjops was een daarvan en ek maak dit nog altyd twee keer per maand,” sê Denrich Evans.
VLEIS
4-6 lamstjops sout en pas gemaalde swartpeper MARINADE
125 ml (½ k) blatjang
125 ml (½ k) tamatiesous
125 ml (½ k) worcestersous SOUS
250 ml (1 k) beesvleisaftreksel 10 ml (2 t) vars tiemie, gekap
15 ml (1 e) mielieblom 1 Vleis Geur die tjops met die sout en peper.
2 Marinade Meng die blatjang, tamatiesous en worcestersous in ’n glasbak, voeg die tjops by en verkoel 1 uur in die yskas.
3 Haal die tjops uit die marinade en behou die orige marinade. Braai die tjops 15-20 minute op warm kole tot net gaar. Draai dikwels om.
4 Sous Verhit die aftreksel en tiemie saam met die oorskiet-marinade in ’n klein kastrolletjie. Meng die mielieblom met ’n bietjie koue water en voeg by die aftreksel. Laat kook en roer aanhoudend tot die sous verdik.
5 Sit die tjops voor saam met die sous en kapokaartappels.
DENRICH EVANS PORT ELIZABETH, OOSKAAP