MY MA SE BOTTERSKORSIESOP
DIE winter is hier en watter beter manier om dit in te lui as met ’n stomende pot sop? My ma se smullekker botterskorsiesop, ’n lipleklekker beesstert-en-botterboon-sop en branderige chorizo-tamatiesop is die ideale maaltye in hierdie winterkoue.
Vernuwe ou gunstelinge met buitengewone sprinkels en bykosse soos biltong-dukkha, chorizo-krummel en kaneel-en-okkerneutvetkoekies. GENOEG VIR 6 MENSE Bereiding: 5 min. Gaarmaak: 45 min. 1 kg botterskorsie, geskil en in blokkies gesny 1 hoenderaftreksel
potjie of -blokkie 1 Granny Smith-appel,
geskil en gerasper 60 ml (¼ k) lemoen
sap 5 ml (1 t) matige kerrie
poeier (opsioneel) sout 60 ml (¼ k) suurroom
Sit die botterskorsieblokkies in ’n groot pot en bedek met water. Kook tot sag en voeg die aftrekselpotjie of -blokkie, gerasperde appel en lemoensap by. Kook nog 10 min.
Pols die sop met ’n staafmenger of in ’n voedselverwerker fyn. Voeg die kerriepoeier by as jy dit gebruik. Geur na smaak met die sout.
Streep die sop met die suurroom en roer liggies. Sit voor saam met die kaneel-en- okkerneut-vetkoekies, biltong-dukkha en/of chorizo-krummel.
BEESSTERTENBOTTERBOONSOP
GENOEG VIR 6 MENSE Bereiding: 10 min. Gaarmaak: 2 uur 30 min. 1 kg beesstert sout en vars gemaalde
peper 30 ml (2 e) olyfolie 4 uie, in skyfies gesny 4 knoffelhuisies,
gekap ½ bos sopseldery,
gekap 4 wortels, in skyfies
gesny 50 g tamatiepasta 1 beesvleisaftreksel
potjie of -blokkie 375 ml (1½ k) rooiwyn 2 lourierblare 500 ml (2 k) botter
bone, gaar gekook 30 ml (2 e) bruinsuiker
Geur die beesstert met die sout en peper.
Verhit die olie in ’n drukkoker en braai die beesstert in sarsies tot goudbruin weerskante. Skep uit en hou eenkant.
Braai die uie en knoffel in dieselfde pot tot geurig. Voeg die seldery en wortels by en roerbraai ’n paar minute.
Voeg die tamatiepasta by en skep die beesstert terug in die pot. Voeg die aftrekselpotjie of -blokkie, wyn, 1 L (4 k) water en die lourierblare by. Roer goed deur en plaas die deksel van die drukkoker op.
Kook die sop ’n uur, roer en voeg nog water by indien nodig. Sit die deksel op en kook nog ’n uur. Voeg die botterbone by.
Geur die sop na smaak met die suiker, sout en peper. Sit