OSCAR SE BLONDE ROTS
Die lemnaeler en sy ou liefde Jenna Edkins, wat hom nou weer in die hof bygestaan het, is glo weer onafskeidbaar
SEWE jaar gelede het sy by sy hospitaalbed gewaak nadat hy ernstig beseer is in ’n bootongeluk. Nou, in die donkerste uur van sy lewe, is Jenna Edkins nogmaals aan Oscar Pistorius se sy. Die lemnaeler en sy ou liefde, die meisie wat destyds ses dae by sy siekbed gewaak het, is deesdae weer onafskeidbaar, vertel ’n vriend na aan die twee.
Jenna was ook pas by die hooggeregshof toe Oscar vir vonnisverrigtinge moes aanmeld nadat die appèlhof einde verlede jaar die bevinding in sy strafsaak verander het van strafbare manslag tot moord.
Dit was juis kort nadat regter Thokozile Masipa hom twee jaar gelede aanvanklik aan strafbare manslag skuldig bevind het dat Jenna en Oscar se verhouding opslae gemaak het.
Oscar het ure voor hy sy modelmeisie, Reeva Steenkamp, op daardie noodlottige Valentynsdag in 2013 doodgeskiet het, nege minute lank met sy ou liefde, Jenna, oor die telefoon gesels, het dit destyds aan die lig gekom. Haar nommer was glo onder die skuilnaam “Babyshoes” op sy selfoon gebêre.
Oscar en Jenna was met tussenposes vyf jaar lank ’n paartjie, en die band tussen hulle was nog altyd baie sterk. Jenna was een van die eerste mense wat kort ná die skietvoorval haar onvoorwaardelike steun aan Oscar verklaar het. ’n Dag ná Reeva se dood het Jenna getwiet: “Ek wil net graag dit sê: Ek het vyf jaar lankank aan en af met Oscar uitgegaan en hy het NOOIT ’n vinger teen my gelig of my laat vrees vir my lewe nie.”
So sterk was dié band dat dit sy eksmeimeisie Samantha Taylor, wat in 2014 teeneen hom in die uitgerekte moordverhoorr getuig het, “ongemaklik” laat voel het. Dit het Samantha onthul in die boek Oscar: car: