ERTJIESOP MET BROS GEBRAAIDE SPEK
GENOEG VIR 4 MENSE Bereiding: 5 min. Gaarmaak: 20 min. 15 ml (1 e) olyfolie 1 ui, gekap 4 x 250 ml (4 k)
bevrore ertjies 1 hoenderaftreksel
potjie of -blokkie 125 ml (½ k) room 15 ml (1 e) mielieblom, opgelos in 15 ml (1 e) water sout 125 g spek, bros
gebraai ’n hand vol vars basilieblare
Verhit die olie in ’n middelslagpot. Braai die ui tot geurig. Voeg die ertjies en aftreksel by.
Giet 500 ml (2 k) water by en bring tot kookpunt. Laat prut 10 min., haal van die hitte af en pols met ’n staafmenger fyn.
Giet die room en mielieblommengsel by en laat prut terwyl af en toe geroer word. Laat prut tot verdik. Geur met die sout.
Sit die sop voor saam met die bros gebraaide spek en basilieblare.
Goedkoper opsie: Gebruik 250 ml (1 k) droë ertjies. Berei op dieselfde manier; voeg net nog water by soos nodig en kook 40 min. KERRIEFRIKKADEL-PASTA
GENOEG VIR 4 MENSE Bereiding: 15 min. Gaarmaak: 30 min. FRIKKADELLE 300 g boerewors, vleis
uit die derm gedruk 15 ml (1 e) geroosterde
kerriepoeier 10 g koljanderblare,
fyn gekap 15 ml (1 e) olyfolie SOUS 1 ui, gekap 2 knoffelhuisies,
fyngedruk 5 cm vars gemmer,
gerasper 5 ml (1 t) fyn komyn 5 ml (1 t) fyn koljander 10 ml (2 t) geroosterde
masala 2 ml (½ t) brandrissie
poeier 250 ml (1 k) room 250 ml (1 k) jogurt 10 ml (2 t) mielieblom, opgelos in 15 ml (1 e) water 15 ml (1 e) suiker sout VIR VOORSIT 500 g tagliatelle of spaghetti, gekook tot net gaar
Frikkadelle
Meng die boereworsmaalvleis, kerriepoeier en koljanderblare goed. Rol klein frikkadelle met die mengsel.
Verhit die olie in ’n groot pan en braai die frikkadelle in sarsies tot goudbruin en gaar. Skep uit en hou eenkant.
Sous
Braai die ui, knoffel en gemmer in dieselfde pan tot geurig. Voeg die speserye by en roerbraai ’n paar sekondes. Voeg die room, jogurt en mielieblommengsel by en meng goed.
Laat prut tot verdik; roer af en toe. Geur die sous met die suiker en sout.
Meng die pasta deur die sous. Skep in ’n opdienbord en pak die frikkadelle bo-op. Sit voor saam met vars koljanderblare*.
Vir voorsit