CD- RESENSIES

SAL JY MET MY DANS?

KURT DARREN Die kaptein van sokkietreffers is terug met ’n nuwe album – en dis net so gatskoplekker soos altyd. Kurt Darren weet hoe om ’n album propvol oemf te laai. Sal Jy met My Dans? bevat die een aansteeklike snit ná die ander. Die dansbaantreffer Soos ’n Leeu Gaan Ek Brul lui dinge op ’n hoë noot in. Kaalvoet Sokkie doen sy naam gestand, maar veral die snit Ek Wens vir Jou is pure pret in musiekformaat. Daar is ook rustiger treffers op hierdie album met sy 18 snitte, maar luisteraars sal nie ’n oomblik verveeld wees nie. – PETRUS MALHERBE

DIE KIND IS NOG JONGER

VERSKEIE KUNSTENAARS

Ingrid Jonker se gedigte is weer getoonset vir dié dubbelalbum met 36 snitte. Meer as 50 jaar ná Jonker se selfdood het verskeie kunstenaars saamgespan om hulde te bring aan haar werk. Dis nie bloot ’n herhaling dié van wat Chris Chameleon met sy album Ek Herhaal Jou (2005) vermag het nie. Die nuwe opnames is minder gefokus op musikaliteit en vier eerder Jonker se woorde op ’n unieke manier. Die kunstenaars sluit in Anton Goosen, Jennifer Ferguson en Beeskraal. Dis ’n waardige huldeblyk, maar g’n maklike luisterervaring nie. – PETRUS MALHERBE

DANGEROUS WOMAN

ARIANA GRANDE Ariana Grande se vorige album, My Everything, het haar van ’n Nickelodeon-tienerster laat ontpop in ’n ware musiekster, en Dangerous Woman is dié sangeres, wat binnekort 23 word, se mees volwasse album nog. Dit roer heelwat temas aan, van slegte besluite tot onafhanklikheid. As jy van haar vorige werk gehou het, sal Dangerous Woman in jou smaak val. Die 11 snitte bevat alles van poptreffers tot ballades, reggae en R&B. Gaskunstenaars soos Nicki Minaj en Lil Wayne verleen ook hul stem. Dié waardige album het meer treffers as flops. Uitskietsnitte sluit in die titelsnit en Into You. ’n Moet vir aanhangers. – LARA ATSON John Travolta vertolk die rol van Stanley, wat sien hoe sy vrou vermoor word. Elizabeth Olsen en Tom Hiddleston in I Saw the Light. Ware verhaal. Met Elizabeth Olsen en Tom Hiddleston. Regisseur: Marc Abraham. Beperking onbekend. Begin op 24 Junie. Dit is die ware verhaal dié van die country-en-westernsanger Hank Williams. Die biografiese fliek bekyk sy meteoriese opgang in die musiekwêreld – en natuurlik ook die hoë prys van roem. Tom Hiddleston is die man van die dag (en moontlik ook die nuwe James Bond?) en wys hier sy aansienlike talente ken geen perke nie. Aanbeveel vir musiekfoendi’s. – LEON VAN NIEROP

Mark Wahlberg

Ons ken as ’n skoongesig, maar in sy nuwe rolprent, Deepwater Horizon, lyk hy behoorlik vuil en mismoedig. Hierdie biografiese rillerprent speel af op die gelyknamige olieboor wat in April 2010 in die Golf van Mexiko aan die brand geslaan en ontplof het. Elf oliewerkers is dood en 17 beseer. Die ontploffing het ook gelei tot die grootste olielekkasie in menseheugenis. Mark vertolk die rol van Mike Williams, een van die werkers op die boor. Kate Hudson speel sy bekommerde vrou, Felicia. Die film word in September uitgereik.