STEURGARNAALKERRIE

GENOEG VIR 6-8 MENSE Bereiding: 20 min. Gaarmaak: 40-50 min.

15 ml (1 e) olie of ghee 5 ml (1 t) swart

mosterdsaadjies 6 kerrieblare 5 ml (1 t) geroosterde

masala 7 ml (1½ t) borrie 5 ml (1 t) sout 5 ml (1 t) fyn komyn 5 ml (1 t) seekosmasala of rooi brandrissiepasta 2 groot uie, fyn gekap 5 ml (1 t) fyngedrukte

knoffel 5 ml (1 t) geskilde, ge

rasperde gemmer 5 ml (1 t) rooi brandris

siepasta (opsioneel) 1 blik (410 g) heel of

gekapte tamaties 5 ml (1 t) suiker 250 ml (1 k) water 10 steurgarnale,

ontderm en ontdop 10 steurgarnale, ontderm, ontdop, maar stertjies behou ¼ t bossie koljanderblare, gekap vir garnering

Verhit die olie in ’n groot kastrol oor hoë hitte. Sodra dit warm is, verwyder van die stoof en voeg die mosterdsaadjies en kerrieblare by. Pasop vir spat.

Verlaag die hitte tot matig en plaas die kastrol terug op die plaat. Voeg die geroosterde masala, borrie, sout, komyn en seekosmasala by; verhit 5 min. terwyl jy af en toe roer.

Voeg die uie, knoffel, gemmer en brandrissiepasta (indien gebruik) by en verhit 5-10 min. tot die uie deurskynend is.

Plaas die tamaties in ’n menger en verpulp tot ’n gladde puree. Voeg dit by saam met die suiker.

Voeg die water by en verhit 10-15 min. oor matige hitte tot afgekook en lekker geurig en tot ’n dik, gladde sous gevorm het.

Voeg die steurgarnale by die sous en verhit sowat 10 min. oor hoë hitte. Roer af en toe.

Verlaag die hitte en verhit sowat 10 min. tot die steurgarnale pienk verkleur.

Verwyder van die hitte en garneer met die gekapte koljander. Sit voor saam met witrys. MY CAPE MALAY KITCHEN DEUR CARIEMA ISAACS (STRUIK LIFESTYLE, R244*)