WAARSKUWING OOR HONDSDOLHEID Verskeie gevalle van hondsdolheid onder honde en jakkalse en twee onder mense is in Gauteng aangemeld.
As die trustees skielik op ’n algemene jaarvergadering besluit eienaars mag van nou af net twee honde aanhou, kan jy nie gedwing word om van een van jou drie honde ontslae te raak nie. Maar as een van jou honde doodgaan, sal jy nie die dier mag vervang nie. Dit is die “oupabeginsel”; dit beteken die beheerliggaam kan nie regte wegneem van mense wat dit reeds uitoefen nie. As ’n beheerliggaam besluit om die reëls te verander en geen troeteldiere toe te laat nie, kan jy in die hof aanvoer die algehele verbod op die aanhou van troeteldiere maak onregverdigbare inbreuk op jou reg op eienaarskap. Maar as die reël gegeld het en by die aktekantoor ingedien is nog voor jy eiendom in die kompleks gekoop het, tree die regsbeginsel – koper, pasop – in werking. Dit beteken die koper moet sorg dat hy weet wat die kompleks se reëls bepaal. Jou beste wapen is om ingelig te bly en die fyn druk te lees voor jy op die stippellyn teken.
AS JOU TROETELDIER ’N PROBLEEM WORD DAGSORG VIR HONDE
As jou beheerliggaam ’n reël het dat jy net een hond per eiendom mag aanhou, kan ’n oormatige geblaf ’n probleem word, want die meeste honde verkies geselskap. Oorweeg dit om jou dier na ’n toepaslike dagsorgsentrum te neem wanneer jy nie by die huis is nie. As jou troeteldier soos Richard se bure s’n ’n steurnis is en die beheerliggaam vat jou aan, moet elke saak volgens meriete beoordeel word.
As jy dit oorweeg om by ’n kompleks in te trek, vind uit wat as ’n “steurnis” beskou word voor jy ’n koop- of huurkontrak onderteken. ’n Beheerliggaam mag nie ’n onredelike ultimatum stel nie. Jy moet eers ’n brief ontvang waarin die probleem met jou troeteldier uitgestippel word: “Dit het onder ons aandag gekom jou hond (die wit poedel) blaf onophoudelik. Die beheerliggaam se reëls bepaal as jou hond ’n oorlas is, sal jy gevra word om die troeteldier binne sewe dae van die perseel te verwyder. Probeer asseblief sorg dat jou troeteldiere nie vir ander inwoners ’n oorlas is nie.” Die beheerliggaam of trustees moet ook spesifiek wees oor watter hond ’n steurnis is en jou kans gee om die probleem reg te stel, soos om stappe te doen om die geblaf te keer of te reël dat jou hond na ’n dagsorgsentrum gaan. Die bewyslas berus by die beheerliggaam – hulle moet bewyse lewer dat ’n spesifieke hond ’n steurnis is. Die regte prosedure vereis dat jy minstens drie waarskuwingsbriewe ontvang en daarna ’n brief om te sê jou hond moet binne sewe dae van die eiendom verwyder word. Dit moet deur ’n prokureursbrief gevolg word. Op stuk van sake is goeie maniere, bedagsaamheid teenoor jou mede-inwoners en goeie kommunikasie jou beste vriende in hierdie situasie – behalwe natuurlik jou viervoetige vriend! BRONNE: DEREK DU TOIT, HOPEFUL FOUNDATION, NSPCA, ADV. ELIZABETH NIEUWOUDT, DIE PROKUREURS LEIGH DE SOUZA, CLAIRE VON ZUYLEN, SAM NISELOW, LEA JACOBS EN JENNIFER PADDOCK Sorg dat jou diere ingeënt is of laat hulle dadelik inent. Van die tekens van hondsdolheid is ongewone gedrag, ’n vrees vir water, verhoogde aggressie, byt na denkbeeldige goed en skuim om die bek. BRON: NASIONALE INSTITUUT VIR OORDRAAGBARE SIEKTES