HOENDERGEBAK MET BYT
GENOEG VIR 4-6 MENSE Bereiding: 15 min. Gaarmaak: 30 min. 1 spithoender 1 x 250 g-houer sagte
roomkaas 2 knoffelhuisies,
gekap 125 ml (½ k) mayon
naise 125 ml (½ k) romerige slaaisous van jou keuse 65 ml (¼ k) rooi
brandsous 30 g (¼ k) gerasperde
parmesaankaas vars gemaalde peper 250 ml (1 k) gekapte groente van jou keuse (ons het sprietui, rooi soetrissie en
wortels gebruik) jalapeño-skyfies na smaak 100 g (1 k) gerasperde cheddar- of mozzarellakaas 1 x 200 g-pakkie
nacho’s vir voorsit Voorverhit die oond tot 180 °C.
Ontvel en ontbeen die hoender. Skeur die vleis met die hand in growwe stukke.
Meng die hoender met die roomkaas, knoffel, mayonnaise, slaaisous, brandsous, parmesaan, peper, groente en die helfte van die jalapeño-skyfies en gerasperde kaas. Skep die mengsel in ’n gesmeerde oondvaste pan of bak. Sprinkel die res van die kaas bo-oor.
Bak ongeveer 30 min. tot borrelend warm.
Garneer met die res van die jalapeñoskyfies en sit voor saam met die nacho’s en ekstra rooi brandsous.
Enige oorskiethoender kan pleks van spithoender gebruik word. SOETBRANDRISSIE-VARKWORSIES
GENOEG VIR 4-6 MENSE Bereiding: 10 min. Gaarmaak: 30 min. 8 varkworsies 15 ml (1 e) olyfolie 15 ml (1 e) heelkorrel
mosterd 60 ml (¼ k) soet
brandrissiesous 1 klein pynappel, geskil
en in blokkies gesny 8 dadels, ontpit en
gehalveer 1 klein rooi brandris
sie, in skyfies gesny vars origanum vir
garnering rogbrood om saam
voor te sit Voorverhit die oond tot 200 °C.
Rangskik die varkworsies in ’n oondvaste pan, sprinkel olyfolie oor en skud of werk deur om oraloor te bedek. Rooster ongeveer 20 min. in die oond tot bruingebak.
Meng die mosterd en die helfte van die soet brandrissiesous. Gebruik ’n kwassie en smeer die worsies deeglik met die mengsel.
Skep die res van die soet brandrissiesous oor die pynappel, dadels en brandrissieskyfies, en skud of werk deur om oraloor te bedek. Voeg by die worsies in die pan en bak 25-30 min. tot die pynappel sag is en gekaramelliseer het.
Garneer met origanum en sit voor saam met geroosterde rogbrood. EEN POT/PAN/BAKPLAAT DEUR MARI-LOUIS GUY EN CALLIE MARITZ (UITGEGEE DEUR HUMAN & ROUSSEAU, R280)