GAAN DIE DA EN EFF SE KIESERS DIT AANVAAR?

“Daar is beslis die risiko dat ’n koalisie die DA en EFF se beeld kan beskadig,” sê André. Veral meer stoere DA- en EFFondersteuners, wat besonder liberaal (in die DA se geval) of besonder sosialisties (in die EFF se geval) is, kan verraai voel.

“Die EFF kan daarvan beskuldig word dat hy sy handelsmerk in die steek laat,” sê dr. Somadoda Fikeni, ’n politieke ontleder van Johannesburg. “Baie van die DA se kiesers is belastingbetalers; die EFF s’n nie juis nie.” Die twee partye se kiesersbasis verskil hemelsbreed omdat die DA meer toegespits is op die belange van belastingbetalers en die EFF op dié van die armste van die armes. Hy voorspel die partye sal in die aanloop tot die algemene verkiesing in 2019 verder uitmekaarbeweeg en kan selfs teen mekaar draai. te hou, sê Dirk. Hulle is gemotiveer om dit te laat werk.

Gewone burgers sal nie dadelik juis groot veranderings sien of ervaar nie, sê Somadoda, omdat dit tot ’n jaar kan duur net tot die koalisies stabiel raak.

“Dienslewering sal wel na verwagting verbeter,” sê hy.

Theo meen weer die koalisie gaan hard werk om aandag aan behuising, water, elektrisiteit en gesondheidsdienste te skenk, want so kan hulle mense gou wys hulle los werklike probleme op.

Dit is nie die eerste keer dat die DA hom in ’n koalisie begewe nie – in 2004 het hy saam met die Inkatha-vryheidsparty ’n koalisie in KwaZulu-Natal gevorm, maar dit het nie gehou nie.

“Tog het die DA al met sukses in munisipaliteite soos Tlokwe (Potchefstroom) met onafhanklike kandidate saamgewerk,” sê André.

Elders in die wêreld is die samewerking tussen die Britte se Konserwatiewe Party en Liberaal-Demokrate ’n voorbeeld van ’n sinvolle koalisie wat baie stabiel is, sê Theo.