VERLOOFDE SE OOG BLY DWAAL
Met chroniese nierversaking is elke dag reeds ’n uitdaging. Dialise gee jou ’n tweede kans op lewe. Wat ’n teleurstelling om jou ekstra kans te moet deurbring onder omstandighede wat jou lewensmoed ondermyn.
Soms is dit erger om alleen te wees met ’n chroniese siekte as in ’n ongelukkige huwelik. In jou huwelik is nie net ongeluk nie, maar mishandeling. Vir jou as ernstig siek mens kan aanranding die verskil tussen lewe en dood beteken.
Sy alkoholisme kan ook vererger en sy gedrag laat verswak. Hou dit alles in gedagte wanneer jy besluite oor die toekoms neem.
As jy sou besluit om te skei, sal die hof jou omstandighede in ag neem. Afhangend van jul huwelikskontrak en die bepalings van jou man se mediese fonds, kan jou prokureur voorstel dat hy steeds jou bydrae tot die fonds betaal. Jy sal waarskynlik ook geregtig wees op ’n deel van sy pensioen. As jy nie ’n prokureur kan bekostig nie, gaan na jou plaaslike landdroshof en hoor waar jy gratis regshulp kan kry.
Tehuise soos dié van die Suid-Afrikaanse Vrouefederasie (SAVF) verskaf verblyf aan bejaardes en gestremdes wat pensioene kry. Kontak die SAVF se hoofkantoor by 012-3253920 vir inligting oor ’n tehuis naby jou en om te hoor of jy daarvoor kwalifiseer.
Nog ’n opsie is om ’n beskermingsbevel teen jou man te kry. Maar hou in gedagte dat dit vir hom as oudpolisieman ’n groot vernedering sal wees en hom dalk nog aggressiewer kan maak.
Hoor ook by jou dialise-kliniek waarheen jy vir berading kan gaan. Baie sterkte. My verloofde het ’n jaar gelede saam met ’n ander vrou bed toe gegaan. Sewe maande gelede het hy gesê hy het gevoelens vir iemand anders, maar hy bly lief vir my. Ek probeer hom vertrou. Ons is nou al vyf jaar saam.
Grietjie op K
Al vyf jaar saam? Hierdie man is nie ernstig daaroor om hom aan jou te verbind nie. Hy wil volgens sy eie voorwaardes leef. Jy kan hom nie verder die beste jare van jou lewe gee nie. Dis tyd dat jy ernstig met hom oor jul toekoms praat en sekerheid kry. Jou waardigheid en selfrespek is op die spel.
Elke vrou verdien om deurgaans nommer een in haar beminde se lewe te wees. Die liefde is nie ’n afloswedloop waarin jy nou vir een lief is, dan ’n rukkie vir iemand anders, net om daarna terug te keer na jou eerste liefde nie. Jy verdien beslis beter as om met soveel selftwyfel saam te leef. Werkgewers is dikwels nie juis goed ingelig oor hoe hulle teenoor werknemers met gestremdhede moet of mag optree nie en dan ly sulke werknemers daaronder.
Die parlement het in 2015 ’n witskrif oor die regte van gestremdes aanvaar wat hierdie vraagstuk die hoof bied.
Kontak Fanie Swanepoel by die Vereniging vir Mense met Gestremdhede by 082-8569859 of stuur ’n e-pos aan hom by gpapd@ telkomsa.net om jou kind se uitdagings in die werkplek met hom te bespreek.
Hierdie organisasie sonder winsbejag kan ook leiding gee vir mense met gestremdhede oor hoe om doelgerig om vakante betrekkings aansoek te doen.