Die staat t. Jason Rohde
byna altyd breek as jy met die hand verwurg word. Dit sal dus insiggewend wees om vas te stel of dié beentjie ook gebreek is. Die tongbeentjie breek moeiliker by jong kinders en vroue wat tot osteoporose geneig is, wei Leon uit. Met die saak se aanvang laat verlede maand was dit duidelik dat sowel die verdediging as die staat die grofgeskut vir dié hoëprofielmoordsaak uithaal: Jason se span bestaan onder andere uit vyf regsmense – gelei deur adv. Pete Mihalik, ’n Kaapse senior advokaat wie se voormalige kliënte beweerde ringkoppe in die bendeonderwêreld soos Mark Lifman en Jerome “Donkie” Booysen (vermeende leier van die Sexy Boys) insluit.
Die staat steun op adv. Carine Teunissen, destyds ’n aanklaer in die opspraakwekkende Inge Lotz-moordsaak (waarin die Matie-student se kêrel, Fred van der Vyver, in 2007 ná ’n marathon-hofsaak van moord vrygespreek is).
In Jason se borgtogaansoek is die eerste salvo’s afgevuur in wat beloof om ’n reuse-regstryd te wees. Pete redeneer Jason se inhegtenisneming was onwettig omdat die polisie nie ’n lasbrief daarvoor byderhand gehad het toe hulle hom vroegdag op Dinsdag 23 Augustus by sy huis in Bryanston, Johannesburg, opge- klop het terwyl sy drie dogters nog ge- slaap het nie.
Die nasionale vervolgingsgesag g (NVG) hou egter voet by stuk die Strafproseswet maak voorsiening vir sulke gevalle. “Die inhegtenisneming van Jason Rohde was nie onwettig nie. Die saak gaan voort. Ons glo ons het ’n saak en daarom vervolg ons hom vir moord,” sê Eric Ntabazalila, woordvoerder van die Wes-Kaapse NVG.
Teen druktyd was die uitslag van Jason se borgtogaansoek nog nie bekend nie; die staat het uitstel gevra hangende die uitslae van DNS-toetse, selfoon- en skootrekenaar-ontledings, ’n bloedspatsel-verslag en nog inligting rakende Jason se finansiële posisie en Susan se geestestoestand.
Gerugte dat Jason ’n affair met Jolene Alterskye, ’n Sotheby’s-agent, gehad het, sal volgens Niel nie genoeg wees om hom aan die pen te laat ry vir sy vrou se beweerde moord nie. “SMS’e, e-posse en selfoonboodskappe sal nagegaan moet word om te kyk hoe ernstig die verhouding was en of daar doodsdreigemente was. Was die derde party ook by die hotel? Sy moet as ’n moontlike verdagte uitgeskakel word.”
Dit is totaal irrelevant dat die staat nou inligting probeer versamel oor Jason se beweerdeb db buite-egtelikeit t lik verhouding,h di sê ê Daniel Witz, ’n Johannesburgse prokureur in Jason se regspan. Hy weier egter om kommentaar te lewer oor of Jason en Jolene wél ’n verhouding gehad het.
“Die staat moet sy saak bo alle redelike twyfel bewys; die bewyslas rus nie op die verdediging nie,” sê Niel. “As hulle kan bewys die oorledene het moontlik haar eie lewe geneem en dat ’n derde party moontlik toegang tot die kamer gehad het, sal die beskuldigde vrygespreek word. Ek ken adv. Mihalik en hy gaan die staat se saak uitmekaartrek as daar leemtes is.” EKSTRA BRONNE: IOL.CO.ZA, RAPPORT, NETWERK24, TIMESLIVE.CO.ZA