FILO-APPELTERTJIES
Nie net fraai nie, maar ook lekker en boonop maklik om te maak. LEWER 8 TERTJIES Bereiding: 30-40 min. Bak: 30-40 min. 2 Pink Lady-appels, ontkern maar nie geskil nie, in skyfies gesny water 10 ml (2 t) suurlemoen
sap 4 velle filodeeg gesmelte botter om mee te smeer kaneelsuiker 100 g amandelvlokkies room of romerige jogurt en ekstra kaneelsuiker om mee voor te sit Voorverhit die oond tot 180 °C. Smeer agt middelslag-holtes van ’n muffinpan.
Kook die appelskyfies in water waarby die suurlemoensap gevoeg is 5 min. in ’n mikrogolfoond tot net sag maar nie stukkend nie. Dreineer.
Verf ’n vel filodeeg en plaas nog een boop. Vou in vier ewe groot repe en sny op elke vou deur.
Plaas ’n reep dubbellaag-filo op ’n plat oppervlak. Verf alkant met gesmelte botter.
Rangskik die appelskyfies gelyk op die boonste helfte van die reep deeg. Die ander helfte sal onder uitsteek.
Sprinkel kaneelsuiker en amandelvlokkies oor die deeg en appelskyfies.
Vou die onderste filodeeg nou toe oor die appelskyfies en gelyk met die boonste rand.
Rol die filodeegreep op en plaas ’n rolletjie in ’n muffinholte.
Herhaal met die orige deeg en die appels.
Bak sowat 30 min. tot die deeg gaar en bros is. Sit voor saam met geklopte room of jogurt en nog kaneelsuiker.