HOE LYK DIE VLERKE?
Die wetenskaplike naam van die familie skoenlappers en motte is Lepidoptera, Latyn vir “skubbevlerk”.
Dit beskryf die bou van die vlerk. Dit het ’n klomp klein skubbe in die vorm van haartjies (van die stof chitien) wat soos dakteëls bo-oor mekaar lê. Skoenlappers se skubbe is gerangskik om die mooi patrone te vorm wat ons op party van hulle se vlerke sien.
Die patrone en helder kleure van die vlerke het verskillende funksies by verskillende spesies.
Soms help dit die insek om in sy omgewing weg te kruip. Ons sê hy kamoefleer hom.
Party helderkleurige skoenlappers proe sleg of lyk soos ander wat sleg proe. Dit beskerm hierdie nabootsers teen hul vyande. As ’n dier wat hulle jag, een keer ’n skoenlapper gevreet het wat so sleg proe, sal hy in die toekoms ander vermy wat so lyk.
Party patrone word ook gebruik sodat vyande dink die skoenlapper is ’n groter dier.
Dink byvoorbeeld aan dié met groot swart kolle op hul vlerke. Dit lyk amper soos oë en kan vir ’n roofdier van ver af lyk soos ’n groter dier se gesig, byvoorbeeld dié van ’n uil.
Donker skubbe op die vlerke help ook om die die insekte warm te hou. Omdat hulle koudbloedig is, help die donker kleure deurdat dit die son se hitte beter absorbeer. Wanneer so ’n skoenlapper koud kry, kan hy dus in die son gaan sit om warmer te word.
huisgenoot.com Klaskamer
vir 'n infografika oor verskillende motte in Suid-Afrika. BRONNE: EASYSCIENCEFORKIDS.COM, THEHOMESCHOOLSCIENTIST.COM, SCIENCEKIDS.CO.NZ, KIDSKONNECT.COM, KIDSBUTTERFLY.ORG, NGKIDS.CO.UK, DKFINDOUT.COM, WHAT'S THAT BUTTERFLY DEUR STEVE WOODHALL (STRUIK-UITGEWERS)
https:// www.youtube.com/watch?v=7q63KpNctkw.