BABA SE DOOD: EERS TRANE, NOU VERWYTE
Tereza en die surrogaatma van haar oorlede kind wasas soos sussies sussies; nou vlieg beskuldigings heen en weer. vertel
HULLE was soos “sussies” – die voormalige skoonheidskoningin en die surrogaat wat vir haar ’ n kind sou baar. Tereza Troskie-Herbst (47) se tweede kind en haar man, Bennie (36), se eerste. Die surrogaatma, JaenneMarie Coetzer (32), was ewe opgewonde oor die baba. Die twee vroue het gereeld op WhatsApp geklets en Jaenne-Marie het in Desember saam met die Herbst-gesin by die Vanderkloofdam gaan uitspan.
Jayden is op 26 Julie in Welkom gebore – twee weke te vroeg en met ’n keisersnee. Die egpaar en die surrogaat was ewe verheug. Maar net sowat ses dae later is Jayden tragies in ’n Bloemfonteinse hospitaal oorlede. Almal was gebroke – en toe verander die trane in bitter verwyt. Volgens die Bloemfonteinse pediater dr. Dillon van der Haer het bloed in Jayden se longe beland nadat sy neus tuis tydens voeding begin bloei het. Die bloed in sy longe het hom laat aspireer. “Dit het net gebeur; ons sal waarskynlik nooit weet hoekom nie.” (Lees onderaan artikel.)
In ’n openhartige onderhoud het Tereza aan Huisgenoot gesê sy glo sy het die verkeerde vrou as surrogaat gekies. “In my hart voel ek die surrogaat, hoewel sy met edel gedagtes begin het, het (tydens die swangerskap) verander.”
Jaenne-Marie het ons vrae in ’n e-pos van haar prokureur, Yolandi Hewetson, beantwoord en WhatsApp-gesprekke met Tereza aan ons gestuur. Die gesprekke toon Tereza was bekommerd oor JaenneMarie se voortdurende naarheid en dat hulle vasgesit het oor of die surrogaat in die laaste weke voor die beplande bevalling in Bloemfontein moet gaan bly.
In die vreugdevolle oomblikke ná Jayden se keisersnee in Welkom was die twee “sussies” na aan mekaar. Toe kom die tragedie en kort ná Jayden se begrafnis stuur die bedroefde Tereza ’n lang, emosionele tirade aan Jaenne-Marie met die aantyging: “Jy is ’n moordenaar!” In ’n e-pos van haar prokureur aan Huisgenoot kap die surrogaatma van Odendaalsrus terug: “’n Vraag bly my by: Hoekom is ’n normale, gesonde baba, wat deur pediaters as gesond gediagnoseer is, ná net ses dae oorlede?”
TOE Tereza begin droom oor ’n kind by haar tweede man, Bennie, het ’n gemeenskaplike vriendin Jaenne-Marie as surrogaat voorgestel (Ons baba ná kankerskrik, 18 Februarie). Die egpaar is Odendaalsrus toe om Jaenne-Marie te ontmoet. Mettertyd is ’n kontrak aangegaan en die inplantingsprosedure gedoen, vertel Tereza. Sy het tydens die swangerskap geld na JaenneMarie oorgeplaas vir haar lewenskoste en alle mediese rekeninge betaal. “Ons het bitter goed klaargekom. Op Facebook het sy my haar ‘sussie’ genoem.”
Vir ondersoeke het Tereza Jaenne-Marie van Odendaalsrus geneem na hul Bloemfonteinse ginekoloog, dr. Lizette de Coning. Sy en Bennie was so ondersteunend moontlik, vertel sy. Hulle wou die swangerskap stresvry hou – dié dat hulle Jaenne-Marie met vakansie geneem het. “Ons het alles agter haar aangedra en haar kinders van agt en drie jaar rustig gehou. Ons het selfs vir haar kos ingeskep.”
Jayden sou op 10 Augustus met ’n beplande keisersnee gebore word omdat Jaenne-Marie se eie kinders albei met ’n keisernee gebore is. Soos die dag nader gekom het, het die vroue opgewonde op WhatsApp geklets:
– JM:
14/07, 09:18
– T: Maar Tereza was besorg oor JaenneMarie se konstante naarheid, wat in Januarie so erg was dat sy tydelik in Bloem-
14/07, 09:19