Afrigtingspan

skrede verbeter, maar ons moet dan ook heeltyd bly verbeter en voorbly,” reken Kobus. Frik du Preez, oud- Bok en Suid-Afrika se speler van die 20ste eeu, is “verstom” oor die Bokke se onlangse vertonings. “Ons hou maar duim vas dat hulle nog gaan inskop. Die talent ontbreek tog nie.” beer doen nie,” sê Gavin. Hy stem saam met mense soos die oud-Bok Victor Matfield “dat die Bokke na gelang van die toestande en teenstanders albei soorte wedstryde moet kan speel: vrye hardlooprugby, asook die konserwatiewe skop- en rolmaalspel. Tot dusver het die Bokke nogal verward gelyk oor hoe hulle moet speel.”

Naas sê ook: “Op daardie vlak moet jy alles op die tafel kan speel. ’n Mens moet ook hier na die All Blacks verwys. Hulle speel 80 minute lank wat voor hulle is. Die ding van twee basiese opsies in Suid-Afrikaanse rugby begin nou weer kop uitsteek: Óf ek moet oor jou hardloop óf ek moet grond toe gaan. Ons taktiese spel het ook min met taktiek uit te waai; jy skop net die bal veldaf.”

Frik laat hoor: “Ek het geleer wanneer jy speel, moet jy jou teenstander laat twyfel. Ons teenstanders weet wat ons gaan doen. Die bal kom net nie by die vleuels uit nie. Ons kort nog flair in die agterlyn.”

Gavin meen Frans Steyn (as heelagter) sou ook die Bokgroep verstewig het en Marcell Coetzee (beseer) is een van ons beste losvoorspelers. “Ons twee beseerde losskakels, Handré Pollard en Pat Lambie, sou ’n groot verskil gemaak het aan die Bokke se wenkans.”

Malcolm Marx is ons haker vir die toekoms, maar Bismarck du Plessis sou die Bokke intussen ook nie in die steek laat nie, meen Gavin. Kobus en Frik meen Jaco Kriel, Pieter-Steph du Toit en Steven Kitshoff moet in die beginspan speel. Die kenners is bekommerd oor die gebrekkige ervaring van Allister se afrigtingspan. Gavin meen die weggaan van mense soos die vorige verdedigingsafrigter, Jacques Nienaber, was ’n groot verlies.

“Die nuwe agterlynafrigter (Mzwandile Stick) het net ’n paar maande ervaring by die Kings op sy seniorafrigtingresumé,” sê Gavin. “Die enigste SuidAfrikaanse afrigter wat hardlooprugby tans werklik suksesvol afrig, is die Lions se Johan Ackermann. Dalk moet hy buite die Superrugby-seisoen as hulpafrigter hand bysit?”

Alles is nie verlore nie, troos Naas. “Die fantastiese ding van sport is dat jy vandag die absolute held kan wees en sewe dae later die grootste hoender. En nog sewe dae later is jy weer die held.”

Kom ons kyk maar wat gebeur verder in die Kampioenereeks en later vanjaar teen Eddie (“die Bokke is net boelies”) Jones se nuwe Engelse span.