KLAPPERRYS MET VARK EN GRONDBOONSOUS
Thaise mense gebruik baie vars, eenvoudige bestanddele, asook bestanddele wat medisinale voordele inhou en heerlik geurig is. GENOEG VIR 8 MENSE Bereiding: 15 min. Gaarmaak: 35 min. RYS 375 ml (1½ k) jasmyn
rys 400 ml klappermelk 1 knoffelhuisie,
fyngedruk 5 ml (1 t) sout 375 ml (1½ k) water SLAAI 10 ml (2 t) botter 5 ml (1 t) sesamolie 500-800 g varkfilet,
in blokkies gesny sout en peper 2 rooi soetrissies,
fyn gekap 1 rooikool, gekerf 375 ml (1½ k) fyn
gerasperde wortel ’n hand vol vars kol
jander, gekap 3-4 stingeluie,
dun gesny GRONDBOONSOUS 80 ml ( k) grondboonbotter 30 ml (2 e) heuning 15 ml (1 t) vars gemmer,
fyn gerasper 30 ml (2 e) rysasyn 5 ml (1 t) sesamolie 60-80 ml (¼- k)
water 45 ml (3 e) sesamsade,
gerooster suurlemoenskyfies
Rys
Spoel die rys goed af tot die water helder deurloop. Meng die rys, klappermelk, knoffel, sout en water in ’n kastrol. Bedek en verhit tot kookpunt. Sodra die pot se inhoud borrelend kook, verlaag die hitte en laat prut 12-15 min. Laat staan nog 10 min. eenkant met die deksel op.
Verhit die botter en olie in ’n pan. Geur die varkblokkies met die sout en peper en braai in sarsies tot gaar en bruin. Meng die vleis en die res van die slaaibestanddele in ’n dienbak.
Slaai Grondboonsous
Meng die grondboonbotter en heuning in ’n mikrogolfbestande bak. Mikrogolf 15 sek. of tot die grondboonbotter verdun is. Roer goed. Voeg die gemmer, rysasyn en sesamolie by. Roer weer. Verdun met die water soos nodig.
Vlok die rys, voeg by die varkmengsel en sade, en roer liggies deur. Bedruip net voor voorsit met die sous soos verkies. Sit voor met die suurlemoenskyfies.