STAATMAKERPESTO
Deur net die soort blare te verander of gemmer by te voeg kan jy telkens ’n ander pesto maak. Dit is onontbeerlik in jou yskas. Roer dit by jogurt en marineer vleis daarin, roer dit deur eiers voor jy roereier of frittata maak, meng dit by jou groentepot in, meng dit met ’n bietjie olie en asyn vir ’n vinnige slaaisous of smeer dit oor groente soos sampioene voor jy dit braai. LEWER SOWAT 600 ML Bereiding: 15 min. Gaarmaak: 10 min. sout 100 g pampoen- of
sonneblompitte 80 g koljander- of
roketblare, gewas 3 takkies ment
(opsioneel) 30 g pietersielie 6 stingeluie, gekap 4 knoffelhuisies, skoongemaak 5 ml (1 t) fyn komyn (as jy koljanderblare gebruik) ’n knippie elk kaneel en brandrissie (opsioneel) 5 ml (1 t) sout 125 ml (½ k) sterk gegeurde kaas, soos pecorino, gerasper (opsioneel) 60 ml (¼ k) suur
lemoensap gerasperde skil van
1 suurlemoen 125 ml (½ k) olyfolie
Sprinkel die sout oor die pampoen- of sonneblompitte en rooster in ’n droë pan tot opgepof. Laat afkoel.
Verwerk al die bestanddele buiten die olie saam in ’n voedselverwerker tot fyn.
Voeg die olyfolie deur die tuit by terwyl die voedselverwerker loop.
Skep in skoon flessies met ’n lugdigte deksel en hou in die yskas.
Vir Thaise pesto
Sit 10 g geskilde gemmerwortel by terwyl jy die mengsel fyn kap, asook ’n paar druppels vissous.