CAROLINECARO SE KROOS
AndreaAndre Casiraghi, sy vrou, Tatiana Santo Domingo, en hul kinders,kin Alexandre Andrea Stefano (oftewel Sasha) en IndiaInd Casiraghi
Monegaske en ander bloubloedaanhangers was in hul noppiess om Andrea, Caroline se oudste kind by haar wyle man, Stefanono Casiraghi, en sy gesin te sien. Andrea en Tatiana (albei 32) word beskryf as “boheemse siele wat op hul gelukkigste is in die son op ’n strand op Ibiza, pleks van by amptelike geleenthede in die Grimaldi’s se statige paleis”.
Hulle was nogtans daar – saam met hul seun en dogter. Caroline (59) is duidelik versot op Sasha (3), haar eerste kleinkind. In Europa het India (19 maande) se geboorte byna ongemerk verbygegaan, want Tatiana het nooit die swangerskap aangekondig nie. Daar is wel vermoed sy is swanger toe sy einde verlede jaar met ’n merkbare boepie gewaar is.
Tatiana word gelys as die 847ste rykste mens ter wêreld nadat sy miljoene van haar Colombiaanse oupa se bierbrouery geërf het. Sy besit nou ’n klere-en-bykomstigheidsreeks, Muzungu Sisters.
Andrea, vroeër ’n rebel, is deesdae ’n toegewyde filantroop en gesinsman. Hy is betrokke by die Wêreldvereniging van Kindervriende, ’n liefdadigheidsorganisasie waarmee sy ouma prinses Grace begin het. Hy het in ’n stadium agt maande lank kinders in Senegal, Togo en Niger onderrig.
Hy en sy gesin woon in Parys, maar gaan kuier gereeld in Rio de Janeiro, Brasilië, die woonplek van Tatiana se ma, die sosiale vlinder Vera Rechulski.