GEROOSTERDE-BLOMKOOL-EN-ERTJIESLAAI

GENOEG VIR 4 MENSE Bereiding: 15 min. Gaarmaak: 10-15 min. 2 koppe blomkool,

in boompies gebreek 30 ml (2 e) olyfolie sout en vars gemaalde

peper 500 ml (2 k) bevrore

ertjies 120 g gemengde

slaaiblare 2 wiele feta,

in stukkies gesny SLAAISOUS sap en fyn gerasperde

skil van 1 suurlemoen 1 knoffelhuisie,

fyngedruk 1 brandrissie,

fyn gekap 15 ml (1 e) olyfolie Voorverhit die oond tot 200 °C. Bespuit ’n groot bakplaat met kossproei.

Versprei die blomkool op die bereide bakplaat. Drup die olie oor en geur met die sout en peper. Rooster 10-15 min. of tot die blomkool liggies bruin gebraai maar steeds bros is.

Sit intussen die ertjies in ’n bak en bedek met kookwater. Laat staan 10 min. en dreineer.

Slaaisous

Meng al die bestanddele goed. Geur na smaak met sout.

Versprei die slaaiblare op ’n groot slaaibord. Skep die ertjies bo-op, gevolg deur die blomkool. Pak die fetastukkies op en drup die slaaisous oor.

PANGEBRAAIDE VIS MET THAISE SOUS

GENOEG VIR 4 MENSE Bereiding: 5 min. Gaarmaak: 20 min. 4 visporsies met vel,

soos geelstert sout en vars gemaalde

peper 30 ml (2 e) olyfolie 30 ml (2 e) suur

lemoensap 15 ml (1 e) Thaise rooi

kerriepasta VIR VOORSIT 60 ml (¼ k) natuurlike

volroomjogurt 10 g koljanderblare,

gekap

Geur die visporsies met die sout en peper.

Verhit die olyfolie in ’n groot pan en braai die vis met die velkant na onder ’n paar minute of tot die vel goudbruin en bros is.

Draai versigtig om en braai ’n paar minute aan die ander kant of tot die vis goudbruin en gaar is. Moenie die vis oorgaar maak nie. Skep uit en hou eenkant.

Giet die suurlemoensap en 45 ml (3 e) water in die pan. Voeg die Thaise rooikerriepasta by en roerbraai ’n paar sekondes.

Vir voorsit

Verwyder die pan van die hitte, plaas die gaar visporsies terug in die pan, skep lepeltjies volroomjogurt op en sprinkel die koljanderblare oor. Sit voor saam met geskroeide lemmetjies*.