OP JOU BORD
Dis sulke goeie nuus dat ’n mens dit heel eerste moet noem: Sjokolade vir ontbyt is hier! En dis eintlik nogal gesond, mits jy dit reg benader.
Donkersjokolade kan sommer baie lekker in iets soos hawermout en gesonde plaatkoekies smaak, sê Carmen Niehaus, Huisgenoot se kosredakteur.
Mari-Louise Guy, Koekedoor-beoordelaar, voorspel: “Karringmelk is ’n nuwe gier. Ons gaan groente soos wortels daarin gaarmaak en dit in slaaisous gebruik.”
Gewilde proteïene is vanjaar sardyne en wildsvleis, meen Carmen. Kos wat bruin en swart is, is ook gewild. “Dink aan swart koeke en kase.”
Die versappingsgier – om groente in ’n voedselverwerker te sit en te drink – gaan in 2017 oorwaai, vertel Piet Marais, medeaanbieder van die kookprogram Laat die Potte Prut op VIA.
Sy voorspelling is dat mense in 2017 nogal gesteld gaan wees op die etiek van hul kos: Hulle sal wil weet hul kos is volhoubaar gekweek sonder om die omgewing of hul medemens leed aan te doen.
In dié trant herinner Carmen ons organiese kos bly ’n sterk neiging. Mense wil ook minder kos vermors.
Volgens Mari-Louise is die eksotiese geurmiddel wat in 2017 meer algemeen gaan word, ’n voedsame soort gis wat
genoem word. Dis ’n geel poeier wat na kaas proe, baie gesond is en in resepte gebruik of oor kos gesprinkel word.
Jy kan ook verwag om vanjaar meer te hoor van nog ’n paar modekosse met allerhande volksvreemde name. “Dink aan bestanddele soos matcha, die groen poeiertee wat propvol antioksidante is, sowel as kombucha-tee,” sê Carmen. Dié produkte is al ’n ruk op die mark, maar