MY GROOTSTE ROL NOG
SKAARS ses maande gelede nog was sepiekykers erg omgekrap oor die giftige verhouding waarin die geliefde 7de Laan-joernalis Errol Pieterse hom met die emosioneel onstabiele Tarryn bevind het. Errol het selfs in die hospitaal beland nadat sy hom by ’n woonsteltrap afgestamp het. En toe kom die besef: Hy moet padgee uit die Laan, ver weg van die gevaarlike Tarryn (gespeel deur Kay Smith) af. Dis tyd vir ’n nuwe hoofstuk in sy lewe.
Errol vat toe ook die pad; nie net uit Hillside nie, maar ook uit die gewilde sepie se storielyn, tot aanhangers se groot ontsteltenis.
Maar wat van Christo Davids, die akteur wat lewe aan Errol gegee het? Ook in sy lewe was veranderings. Hy het agter die kameras ingeskuif as een van 7de Laan se regisseurs. En intussen het hy ook “die belangrikste rol in sy lewe” losgeslaan: dié van pa.
Op 18 November het hy besef sy repeteerwerk vir die vaderskapsrol is verby. Sy vrou, Cindy, was op die punt om die lewe te skenk aan hul eersteling, Elijah.
VANDAG straal Christo van geluk hier waar ons in hul huis in Randburg kuier. Kortkort loer hy na die sitkamerbank waar sy drie weke oue kleinding vas aan die slaap is. ’n Uur of wat tevore het hy nog die baba gevoer en sy doek geruil. “Ek sit ’n doek al in ’n rekordtyd aan,” spog Christo met sy vertolking van dié nuwe rol. Dit kan ook nie anders nie, besef jy gou: Tydens die swangerskap het die toekomstige ouerpaar hulle so goed moontlik voorberei op die baba se koms. Hulle het voorgeboorteklasse bygewoon en somme sommer baie boeke gelees, vertel Cindy, wat ree reeds 10 jaar as rekenmeester by ’n transn transnasionale maatskappy werk. Hy is mos eintlik baie beter in rolle wa wat hy vooraf kan repeteer, skerts C Christo dan. Hy vertel hulle het die a aand buite langs die swembad gek kuier toe hy begin vermoed Elijah is gereed om sy opwagting te maak. “Daardie aand sal ek nooit H