NOEM MY MAAR ‘U MAJESTEIT’!
Ash geniet dit om gepamperlang te word – hy is immers as SA se topskouhond aangewys
SOOS ’n koning sit hy daar terwyl die vrou om hom draai en kloek. Sy lang, golwende hare word met versigtige hale geborsel voor lokke daarvan afsonderlik in spesiale papier toegedraai en vasgebind word. Gelukkig is sy asem vars . . . Sy het immers reeds sy tande vir hom skitterwit geborsel en daarna met ’n mondsproei gesorg hy ruik lekker.
Jy kan sien dié grootmeneer geniet die pamperlang. Hoekom nie? Hy is immers ’n koning – die koning van skouhonde.
Hy is Winds of Fortune Valentina’s Magic gedoop, en deesdae kan hy amptelik ook by sy naam voeg: Kusa National Dog ’16. Maar jy kan hom sommer Ash noem. Ash, die maltees wat onlangs deur die tydskrif Animaltalk as die topskouhond in die land aangewys is. Die titel van Kus a, die honde telersvereniging van Suid-Afrika, het hy verlede jaar gekry toe hy dié kompetisie wen.
En al is sy Suid-Afrikaanse setel ’ n kleinhoewe naby Pretoria, is hy afkomstig van die maltee sadel stand in die verre Europa, verduidelik Heidi Rolfes, ’n doktor in chemiese ingenieurswese. Sy draai nog ’n haarlok versigtig toe en vertel dan: “Ek het hom vir R80 000 gekoop en uit Slowenië ingevoer.”
Vroeër is Ash se hare, wat soos ’ n sneeuwit mantel tot op die grond hang, deeglik in ’n outydse porselein-laboratoriumbad met ’ n spesiale sjampoe gewas wat Heidi self maak en na ander lande uitvoer. Daarna het sy sy hare sowat ’n uur lank geblaas. Toe word hy 15 minute lank met spesiale borsels uit Duitsland geborsel wat ontwerp is om nie die sagte hondehare te breek nie. Dan
begin sy kam: ’n groot kam vir Ash se lyf en ’n fyner een vir die hare op sy gesig.
Ash sit tjoepstil op die houttafel terwyl Heidi sy lokke in die papierstroke toedraai en met rekkies bind.
“Hy is baie rustig,” vertel Heidi trots. “Ons wrap die honde,” beskryf sy die proses waarmee sy besig is. Draai, bind, draai, bind. Byna ’n halfuur lank. Dan die finale stap: Sy pels word met ’n middel gespuit om dit blink en sag te hou. En siedaar – Ash in al sy vorstelike glorie.
Hoe gereeld ondergaan hy hierdie skoonheidsbehandeling? “Elke derde dag,” antwoord Heidi. Maar dis nog niks – vandag het sy nie eens sy naels geknip nie. Om hom mooi te maak vir ’n skou duur maklik twee uur.
Ash kyk ons aan so asof hy wag om gekomplimenteer te word.
WINDS of Fortune Valentina’s Magic is nie die enigste maltees op die werf nie. ’n Mens word deur 12 swaaiende stertjies begroet. Maar sy skou net een op ’ n slag, verduidelik Heidi, wat chemiese ingenieurswese aan die Universiteit van Pretoria doseer.
Met ons aankoms is die driejarige Ash se lokke nog nie “toegedraai” nie. Hy lyk kompleet soos ’ n sneeuwit t wolk wat oor die groen grasperkk aangesweef kom. Jy moet mooi kykk om sy pote onder sy pelstent raak te sien.ien Jy weet dadelik wie hier regeer.
Die troppie maltese is ook nie al werfdiere nie – hier is ook vier katte en omtrent 20 hoenders.
Die maltese is almal huishonde, vertel Heidi, ’n enkelloper. Vier van hulle slaap saam met haar op die bed en die ander het hondebedjies in haar slaapkamer. Eenkant staan drie pla stiekko sba kke – rooi, blou en pienk – waaruit hulle eet. Van die slaapkamer lei ’n buitedeur na ’n kampie in die tuin. Die deur staan altyd oop sodat hulle vrylik tussen die huis en tuinkampie kan beweeg.
Sy voer al die maltese hondeblokkies van’ n voorste hondekos maatskappy. Hulle smul ook graag aan rou hoenderpote en -koppe.
“Dis goed vir hulle en moet rou wees; die beentjies splinter as dit gekook word. Vir snoephappies kry hulle rou wortel en sagte witperskes.”
Terwyl ons toekyk hoe sy Ash pamperlang, verduidelik sy dat die lokke toe- gedraai en gebind word sodat hy “’n normale lewe kan lei en saam met die ander honde kan rondhardloop. Dit hou sy hare ook skoon en is koeler in die somer.”
Die hare bo-op Ash se kop is met twee fraai swart-en-goudkleurige knippies vas en dié onder sy ken met rekkies. Dis net vir skoue dat sy hare nie toegedraai is nie.
Met badtyd – elke derde dag – gebruik Heidi ’n selfreinigende, waterlose sjampoe om die hare rondom sy ogies te was. Dit maak bakterieë dood en verhoed dat sy oë rooi word. Sy maak ook sy oë met wattepluisies skoon. Sy naels word met ’n spesiale naelknipper geknip. Die ander honde word elke 10 dae gebad. Heidi doen alles self omdat dit so ’n gespesialiseerde werk is.
Die stoepe om die huis word daagliks gewas en die gras groen en kort gehou om te sorg dat Ash en die ander honde se omgewing skoon en higiënies is.
ASH het al alles gewen wat hy kon,” sê Heidi. Die Animaltalk-prys het hy gekry omdat hy die hond is wat die afgelope jaar die meeste skoue in die land gewen en sodoende die meeste punte opgestapel het. Sowat 50 hondeskoue word per jaar in SuidAfrika gehou. Ash het al aan 20 deelgeneemn en almal gewen.
Heidi skou al 30 jaar. Een van haar vorigev honde, Finn, was in 2012 ook died nasionale Kuza-kampioen. “Maar AshA is die mees amazing hond wat ek ooito sal hê.” Hy het die eerste skou gewenw waarheen sy hom in 2015, toe hy eene jaar oud was, geneem het. En nee, daard is nie prysgeld vir skoue nie. “Jy’s gelukkigg as jy ’n sak hondekos wen!”
Wat maak ’n hond kampioen? “Dis sooss ’n bloudruk,” verduidelik Heidi. ’n’ Opregte maltees het styl hare. AnderA belangrike kriteria is swart pigment:p ’n swart neus, donker oë. Die hond moet ’n plat rug en sagte gesigsuitdrukking hê. In die kompetisie (van Animaltalk) het Ash honde van alle rasse uitgestof. Beoordelaars van oor die hele wêreld vlieg Suid-Afrika toe om die wenner te kies.”
Ash se dogter, Jezebel (ses maande), het sy goeie gene: Sy het onlangs die Jakaranda-stadskou gewen.
Heidi en Ash gaan binnekort Londen toe vir die Crufts-skou. “Dit is ’n groot prestasie vir so ’n klein hondjie,” sê sy.
Gelukkig is die maltees nie bang om te reis nie. “Ash is nie vol draadwerk nie. Hy maak dit vir my baie maklik. Hy stres oor niks,” vertel sy. “Jy kan met hom Kaap toe vlieg en hy dink dis ’n avontuur. Jy kan in ’n vreemde hotel wees en hy dink dit is oulik. Maltese blaf wel, maar Ash is nie ’n blawwer nie. Op skoue is hy tjoepstil.”
Met Ash se lokke klaar gekam, geblaas en toegedraai, gaan hardloop hy onmiddellik ’n paar draaie op die grasperk.
’n Mens kan honde skou tot hulle gevorderd is in jare, vertel Heidi. Maar sy wil Ash laat “aftree” wanneer hy vyf is. “My honde is steeds my troeteldiere en hulle bly net gewone honde.”