’N POLISIEMAN VIR DIE MÉNSE
Bobby was aange daan ngeda an toe hy in die skoene stap van dié wetstoepasser wat die lewe vir behoeftiges betereter maak
ELKE dag van sy lewe rig hy karate vir kinders af sonder om geld te vra. Snags gooi hy haweloses met komberse toe en minstens een keer per week sorg hy dat die honger mense op straat ’n warm bord kos kry.
Hoekom? Omdat dié polisiema n met die groot hart glo die“hoe nd ervleisoo mblik ke” maak die lewe die moeite werd. Daardie gevoel wat jy kry wanneer jy weet jy het iets vir iemand anders beteken. Dis hoekom.
Ao. Andries Douglas van Ceres versprei ook boeke onder behoeftiges. Hy het selfs genoeg naasteliefde in sy hart om ’n 12-jarige kaalvoetseun op ’n snikhete dag in sy polisievoertuig te laai sodat die kaas wat die kind huis toe moet neem nie smelt nie.
Andries se omgeehart het verlede jaar opslae gemaak toe foto’s van hom met die komberse in die sosiale media versprei word.
“Voor ek vroegoggend vir diens aangemeld het, het ek en Génie (sy vrou, Eugenie) om vieruur hoofstraat toe gegaan en van die hawelose mense met komberse toegemaak. Ek hoop van hulle sal voor dagbreek wakker word en wonder wat gebeur het,” het sy inskrywing op Facebook gelui.
Dis ook in die sanger Bobby van Jaarsveld se huishouding in Pretoria raakgesien. Dié weldaad het Bobby se vrou, Annatjie, die idee gegee om Bobby uit te daag om twee dae lank in Andries se skoene te stap. Bobby se roerende ervaring was die tema van die vyfde aflewering van die werklikheid s reeks Bobby en Karlien: In Jou Skoene, wat vir die eerste keer op 8 Februarie op VIA uitgesaai is.
In dié episode sien kykers hoe Bobby aangedaan raak toe hy besef wat Andries alles doen. Hy beskryf die polisieman as die “Superheld van Ceres”.
Terwyl ons by Andries (47) en sy borrelende vrou, Eugenie (39), kuier, is hul seuns, Andries jr. (12) en Zanchen (11), wat hulle tuis onderrig, tjoepstil in hul kamers besig.
Die passie vir sy beroep straal uit hom terwyl hy daaroor praat; tog meen hy deesdae se polisiëring moet verander. “Ek glo jy moet ’n polisieman in jou gemeenskap wees. Mense moet jou op straat ken. En as jy weet gesinsgeweld vind in ’n bepaalde huis plaas, moet jy op ’n Vrydag- en Saterdagaand daar ’n draai gaan maak.”
Om dit te laat gebeur, het Andries onder meer die projek It’s Not Part of My Job Description begin. Dit spoor polisielede aan om ’n ekstra 10 uur per week te werk. Die Wes-Kaapse polisiebestuur steun sy poging.