> PLAATKOEKIES MET BOEREWORS
Geniet ’n verruklike kombinasie van plaatkoekies met boerewors, jogurt en salsa. GENOEG VIR 4 MENSE Bereiding: 10 min. Staan: 15 min. Gaarmaak: 20 min. PLAATKOEKIES 375 ml (1½ k) meel 5 ml (1 t) bakpoeier 15 ml (1 e) suiker
(opsioneel) 375 ml (1½ k) melk 45 ml (3 e) botter,
gesmelt 2 eiers olie vir braai SALSA ½ komkommer, in
klein blokkies gesny 1 rooi-ui, in klein blok
kies gesny 100 g kersietamaties,
in kwarte gesny 10 g gemengde kruie
blare, gekap 5 ml (1 t) suurlemoen
sap sout en peper VIR VOORSIT
125 ml (½ k) natuur-
like volroomjogurt 300 g boerewors, gaar
en in skyfies gesny
Plaatkoekies Meng die meel, bakpoeier en suiker liggies in ’n mengbak.
Klits die melk, botter en eiers saam. Maak ’n holte in die middel van die meelmengsel en giet die melkmengsel in. Klits tot goed gemeng, bedek en laat staan minstens 15 min.
Verhit ’n bietjie olie in ’n kleefvrye pan, skep hopies van 60 ml (¼ k) van die plaatkoekiemengsel in die pan en braai tot goudbruin weerskante en gaar in die middel. Herhaal tot die mengsel op is.
Salsa Meng alles en geur met sout en peper. Vir voorsit Skep jogurt en salsa op die plaatkoekies en pak die skyfies boerewors bo-op.