Groot ommekeer wag op Clooneys
Ja,Ja Amal is swanger met ’ ’n seun en dogter wat in Ju Junie verwag word – en grootg aanpassings wag opo haar en George
EERS was daar die liefde, toe kom die troue – en nou soek hulle ’n stootwaentjie vir twee! Jip, die Clooneys maak gereed om in Junie ’n tweeling te verwelkom. Die gefluister het ’n paar weke gelede begin. Was dit ’n boepie onder die Dolce & Gabbanablomrok wat Amal na ’n liefdadigheidsgeleentheid gedra het? Die beeldskone menseregteprokureur (39) het beslis effens ronder om die maag gelyk, het die skindertonge geklap. Sy is swanger; hoe dan nou anders?
Nee, het ander laat hoor – sy het seker net ’n broodrolletjie saam met haar middagete gehad.
Maar die gerugte het sterker geword toe sy die Los Angeles-lughawe verlaat met George (55) wat voor haar loop en steelfotograwe vra om versigtig te wees. Die oorbeskermende instink het toe duidelik al ingeskop. Die Money Monsterakteur was in ’ n polohemp en jeans geklee, en sy Libanees gebore vrou het, anders as gewoonlik, ’n warm top en swaar jas aangehad. Was dit beskerming teen die vreemde weer wat Hollywood die afgelope maand ervaar het of was dit omdat sy swanger was?
Toe ’n skindertydskrif berig sy verwag ’n tweeling, het niemand dit regtig geglo nie. Maar dit is toe waar . . . Amal het glo vir die Amerikaanse TV-aanbieder Julia Chen gesê haar en George se tweeling kom in Junie. Amal “het almal in albei families stilweg daaroor ingelig”, sê ’n bron na aan die egpaar. “Hulle is almal baie gelukkig.”
Die aantreklike George gaan pa word. Dis ’ n dag wat die Hollywood-hartebreker op ’n kol gedink het nooit sou kom nie. In sy dae as enkelloper het hy bedenkinge gehad oor ouerskap. “Om kinders te hê is die verantwoordelikste ding wat jy kan doen. Dis nie iets om ligtelik op te neem nie,” het hy in 2006 aan die Amerikaanse tydskrif People gesê nadat hy die tweede keer as die sexyste man op aarde aangewys is. “Ek het nie daardie gene wat mense het om te wil voortplant nie, maar alles in my lewe het mettertyd verander.”
Dié aspek het bepaald ook k verander toe hy op die slanke, , briljante regsgeleerde verlieff raak. “Al wat ek weet, is dat ditt
‘Die Clooneys is wonderlike mense en gaan wonderlike ouers wees’
alles verander het omtrent hoe ek gedink het my toekoms – my persoonlike toekoms – sou wees,” het hy in 2015 oor trou gesê. “Ek was nog altyd optimisties oor die wêreld. Ek was nie altyd heeltemal optimisties oor hoe dit vir my persoonlik sou uitwerk nie, maar nou is ek.”
Die paartjie is in 2014 in Venesië getroud (’n Venesiese sprokie op húl manier, 9 Oktober 2014). Sedertdien woon en werk hulle tussen Los Angeles, Engeland en Italië. En nou, twee en ’n half jaar later, gaan hul lewe selfs nog meer verander.
DIE Amerikaanse tydskrif In Touch het die goeie nuus bevestig: “Amal verwag ’ n tweeling: ’n seun en ’n dogter. George en Amal was verbaas toe hulle uitvind dis ’n tweeling, maar ook ’n bietjie bang omdat hulle albei gesê het een is genoeg.”
Watter soort ma sal Amal wees? Sy moes reeds leer hoe om baie dinge gelyktydig te doen: haar loopbaan as ’n prokureur in die internasionale reg wat wêreldwyd sake hanteer, ’n huwelik met een van die wêreld se beroemdste mans en al die druk wat met daardie duiselingwekkende vlak van bekendheid gepaardgaan. Die twee wêrelde het ’n paar jaar gelede gebots toe hordes joernaliste by die Europese hof vir menseregte in Stras- bourg opdaag en een van haar sake in ’n sirkus omskep (Kwesbaar weens die roem, 26 Februarie 2015).
Die Clooney-kleingoed sal waarskynlik uit die openbare oog gehou word. Daar sal niks van die fotogeleenthede wees waaroor die Brangelina-kroos so dol was nie. En moenie verwag om Amal soos die aktrise Demi Moore met ’n kaal bababoepie op tydskrifvoorblaaie te sien of dat sy soos die sangeres Beyoncé ’n foto op Instagram sal plaas nie. Amal sal waarskynlik haarself en haar boepie vir haarself hou. Een ding is seker: Sy gaan beslis haar magie op ’n elegante wyse bedek. (Ons kan nie wag om haar swangerskapmodes te sien nie!)
’n Paar maande voor die babanuus het Amal gepraat oor haar band met haar ma, die joernalis Baria Alamoeddin, en haar een van die invloedrykste mense in haar lewe genoem. “In my grootwordjare was my ma beslis ’n rolmodel. Sy was altyd ’n beroepsvrou en onafhanklik, iemand wat omgee vir haar loopbaan en haar onafhanklikheid, maar sy het ook ’n balans gehandhaaf,” het sy gesê tydens ’n vraag-en-antwoordsessie by die Texas Conference for Women, waar sy in November die hoofspreker was. “Sy het nooit haar vroulikheid prysgegee nie. Sy het geglo die balans is belangrik, en dis iets wat my bybly.”
Balans gaan belangrik wees wanneer sy haar werk, ’n lewe in die kollig en babas moet hanteer. Op 55 wag ’n groot ommekeer op George. En hy kan nie sê hy is nie gewaarsku nie; sy akteurspel Matt Damon (46) sê hy kan hom regmaak vir ’n skok. “Ek het nog nooit ’n tweeling gehad nie. Harde werk wag op hom. Ek het myne een op ’n slag gehad en dit was klaar baie werk,” het die pa van vier op ’n perskonferensie vir sy nuwe fliek, The Great Wall, gesê.
“Die Clooneys is wonderlike mense en gaan wonderlike ouers wees. Dit gaan ’n groot uitdaging wees. Ek bedoel: Wanneer die een baba huil, skrik die ander een ook wakker. Dit gaan bedrywig wees in daardie huishouding, maar George slaap in elk geval nie baie nie. Hy sal oukei wees. Ek is ernstig: Hy het ’n ongelooflike werketiek.”
En met sulke aantreklike, intelligente ouers kan ons nie wag om te sien hoe die klein Clooneys grootword nie. Hulle het beslis die genepoel-Lotto gewen.
BRONNE: ETONLINE.COM, FAMEFLYNET/SPLASH NEWS, EONLINE.COM, DAVE BENETT/GETTY, PEOPLE (VSA), MIRROR.CO.UK, VOX.COM