ROZANNE McKENZIE
Dié kykNET-liefling gesels ’n hond uit ’n bos op die kassie en oor die radio
STOEPSTORIES
Rozanne (34) is ’n ou bekende op kykNET, waar sy deesdae Nasie in Gesprek en ook Flits help aanbied. Daarby is sy Jacaranda FM se “verkeerskoningin”. Die sprankelende Rozanne het grootgeword in Bonteheuwel in die Kaap by haar ma, Ann, ’n enkelouer, en haar grootouers, Bonnie en Martha McKenzie. Van haar kosbaarste jeugherinnerings is van haar en haar ma wat op die voorstoep mense sit en dophou. “Sy het almal in die omgewing se stories geken,” vertel sy. Ann woon sedert 2002 in Londen, waar sy as verpleegster werk. Rozanne was in haar skooldae aan die Hoër Meisieskool Rustenburg in Kaapstad lid van die dramaklub en het in die koor gesing. Sy was gereeld in die moeilikheid oor haar geselsery. Nou word sy betaal om te praat! “Ek kan soms steeds nie glo dis my loopbaan nie,” sê sy.
VAN ONDERWYS TOT DIE KASSIE
Ten spyte van ’n honneursgraad in drama van Ikeys s het Rozanne gesukkel om werk in die vermaakbedryf te kry. Dus moes sy eers as onderwyseres en later in die sakewêreld werk. Haar deurbraak was in 2006 as Jan in die musiekblyspel Grease. In 2008 het sy by kykNET aangesluit as een van Kwêla se veldaanbieders. Sy het ook kykNET se ontbytaktualiteitsprogram, Dagbreek, help aanbied en is nou medeaanbieder saam met Theo Vorster van Nasie in Gesprek. Rozanne werk ook lekker saam met Bouwer Bosch, haar medeaanbieder van die geselsprogram Flits. “Ons het soveel pretp op p die stel!”
DOLGELUKKIG GETROUD
Rozanne en haar musikant-man,
Chris Bishop (38), het mekaar in 2008 deur gemeenskaplike vriende in ’n kuierplek in Melville ontmoet toe hulle haar aanstelling by Kwêla vier. Hulle is in 2013 in Engeland, Chris se geboorteland, getroud. Hulle en hul seuntjie, James (2), woon in Roodepoort.
BESIGE BYRozanneBY
Rozanne is al soggensomkwasoggens om kwart oor vier uit die vere en ’n uur later is sy in die gim. Om agtuur meld sy by Jacaranda FM se ateljee aan, waar sy tussen nege- en twaalfuur die verkeersnuus aanbied. Daarna wag dikwels vergaderings, stemopnames of oudisies. Sy is mede-eienaar van ’n produksiemaatskappy, IdeaCandy Edms. Bpk., en loer gereeld by hul kantoor in. “Dit voel soms asof ek nie tyd kry om ’n balans te handhaaf nie, maar ek probeer tyd inruim vir alles,” sê die bedrywige werkende ma. Sy sorg dat klein James boaan haar lys is, anders voel sy skuldig. “Hy het so baie energie. Solank hy kan rondhardloop en speel, is hy doodgelukkig.” Rozanne en haar gesin geniet dit om markte te besoek en nuwe plekke in Johannesburg te verken.
ROZANNE SÊ
Ek is is mal oor werklikheidsreekse, maar kyk nie graag sport nie.
As kind het ek daarvan gedroom om ’n kindersielkundige of mariene bioloog te word. Boks is een van my stokperdjies. As ek drie mense, lewend of dood, kon nooi vir ete, sou dit die kletskoningin Oprah Winfrey, die Britse aktrise Naomie Harris en die sangeres Amy Winehouse wees.
Ek het ’n swak vir skoene, maar het afgeskaal toe ek ma word. Ek het nou sowat 40 paar oor en wil nog graag ’n paar deur Christian Louboutin koop.