VRA VIR HANNON

Die gewilde voorkomskonsultant help jou op jou beste lyk

IS DUURDER BETER?

ALMAL weet hoe duur dinge geraak het. Grimering is nie ’n uitsondering nie, maar deur vindingryk te werk te gaan hoef jy nie so baie geld uit te g gee op jou mooimaakprodukt mooimaakprodukte nie. Nee, duur grimering is nie noodwendig beter as die goedkoper soorte nie. As jy weet watter grimeerkleure en -teksture die beste by jou gelaatskleur en veltekstuur pas, kan jy gerus na goedkoper handelsname kyk. Kyk ook twee keer wanneer jy by ’n uitverkopingsmandjie verbystap, maar moenie iets koop as jy min of meer dieselfde produk in jou grimeersakkie het nie.

RE-E-EK JOU GRIMERING SE LEWE

Jy kan jou grimering langer laat hou as wat jy dink. As jou maskara amper droog is, kan jy ’n paar druppels van jou saamtrekmiddel ( toner) ingooi en dit met die maskaraborsel roer. As jy meestal jou grimering met jou vingers aanwend pleks van met ’n spons, sal jy baie langer daarmee uitkom omdat sponse baie meer grimering absorbeer as wat jy nodig het.

Krap jou oorskietlipstiffie in ’n pillehouer uit sodat jy dit met ’n lipborsel kan aanwend.

As ’n oogskadu verkrummel het, moet dit nie sommer weggooi nie.

Drup een of twee druppels alkohol op die oogskadu.

Druk dit weer alles met ’n teelepel mooi vas en laat dit staan om droog te word en weer te set.

SEËL JOU GRIMERING

Wend net een keer per dag grimering aan.

Belê in ’n grimeerseëlaar wat jy ná die tyd oor jou gesig aanspuit.

Dit sal sorg dat jou grimering heeldag of -aand hou sonder dat jy gedurig nog moet aanwend.

KOOP SLIM

Grimering is veronderstel om pret te wees, maar as jy gedurig onnodige items koop, kan dit ’n ernstige begrotingsuitdaging word.

Deur slim te werk te gaan sal jy waarde kry vir jou geld sonder dat jou gewete jou pla oor ’n laai wat reeds oorvol is met onnodige grimering.

Gaan kyk gerus wat in jou grimeersakkie en laaie rondlê, want ek is seker jy sal verbaas wees hoeveel maande se ekstra grimering jy nog daar gaan vind.

As jy jou grimeersakkie beter organiseer, beteken dit ook daar sal nie produkte wegkruip wat later heeltemal te oud word om te gebruik nie.