Smeulende Beckham nou tuisblypa
David Beckham is deesdae ’n tuisblypa wat kos maak en die kinders karwei
HEI! Waar is daardie kêrel met die woeste tatoes wat jare gelede so graag in stywe onderbroeke vir die kamera poseer het? En wie is hierdie mak kalant wat deesdae die kinders skool toe karwei e en tuisbly om pasteie te bak? Ja, dis waar: David Beckham, langer as t twee dekades ’n sokkerlegende, Emporio A Armani-onderkleremodel en seksbom, is n nou ’n huisman wat ’n mens eerder in die k kombuis sal aantref as op ’n partytjie wat wemel van die beroemdes.
Op 41 lyk die tuisblypa van vier op sy gemaklikste wanneer hy sy kroos skool toe en terug vervoer, hul hond, Olive, park toe te neem en selfs popspeel saam met sy jongste, die vyfjarige Harper.
Dié gewese Engelse sokkerspeler het onlangs ’n video op Instagram gelaai waarin hy pannekoek bak vir sy dogter en haar drie ouer broers, Cruz (12), Romeo (14) en Brooklyn (18).
Op ’n ander foto spog hy met ’n hoender-en-prei-pastei wat hy uit die oond haal. Hy het onlangs selfs sy ma se geliefkoosde bredieresep beproef en geskerts dit is “nes ma dit altyd gemaak het,
maar nie heeltemal so lekker nie”.
Dit is duidelik die man wat die term “metroseksueel” in die laat 1990’s bekendgemaak het, is steeds nie skaam om geslagsrolle op hul kop te keer nie.
Duidelik is sy dogtertjie sy oogappel. Hy deel heelwat foto’s waar hy saam met Harper in haar pienk slaapkamer storieboek lees, haar klavieroefening bywoon of saam met haar museum toe gaan. Met die seuns doen hy meer uitbundige aktiwiteite, soos om sneeuplank te ry of tenniswedstryde by te woon.
Terwyl David die gesin se reusewoning in Londen help bestuur, is dit sy vrou, Victoria (42), wat haar tans in die beroepswêreld uitleef. Haar loopbaan as modeontwerper waaraan sy al 17 jaar werk, gaan van krag tot krag, en Victoria is reeds ’n geraamde R3,8 biljoen werd.
Maar ook haar Instagram-blad is besaai met kiekies van haar huweliksmaat en kinders. Sy sorg duidelik goed dat haar loopbaan nie inbreuk maak op haar gesinstyd nie.
’n Mens kan skaars help om Victoria steeds te beny. Dit moet darem lekker wees om getroud te wees met ’n kêrel wat selfs pastei bak sexy kan laat lyk.