GEKRUMMELDE SPESERYHOENDERVLERKIES MET RISSIESOUS
GENOEG VIR 4 MENSE Bereiding: 15 min. Staan: 30 min. Verkoel: 30 min. Gaarmaak: 30 min 8-12 hoendervlerkies sout en vars gemaal
de peper 500 ml (2 k) karring
melk 4 knoffelhuisies,
fyngedruk MEELMENGSEL 500 ml (2 k) meel 15 ml (1 e) sout 15 ml (1 e) vars ge
maalde peper 5 ml (1 t) elk gedroogde tiemie, gedroogde origanum en knoffelpoeier 10 ml (2 t) rooipeper RISSIESOUS 2 knoffelhuisies 1 rooi soetrissie, ontpit en in stukke gesny 2-3 brandrissies 125 ml (½ k) suiker 125 ml (½ k) water 2 ml (½ t) sout 60 ml (¼ k) witwyn
of rysasyn 15 ml (1 e) mielieblom, gemeng met 30 ml (2 e) water olie, vir diepvetbraai Voorverhit die oond tot 200 ° C. Plaas ’n draadrak op ’n bakplaat en bespuit met kossproei.
1 Geur die hoendervlerkies met sout en vars gemaalde peper. Pak in ’n marineerbak.
2 Voeg die karringmelk en knoffel by die hoender en meng goed deur. Bedek en verkoel minstens 30 min. in die yskas. 3 Meelmengsel Meng alles goed. Haal die hoendervlerkies een-een uit die karringmelkmengsel, skud liggies en rol dit in die meel. Pak op ’n bord en verkoel nog 30 min. 4 Rissiesous Plaas die knoffel, soetrissie en brandrissies in ’n voedselverwerker en pols tot amper fyn. Skep in ’n klein kastrol en voeg die orige sousbestanddele by. Verhit en roer aanhoudend tot die mengsel verdik. Haal van die hitte af en hou eenkant.
5 Verhit die olie in ’n klein kastrol vir diepvetbraai. Braai die hoendervlerkies in sarsies tot goudbruin en pak op die draadrakkie. Rooster nog sowat 10-15 min. in die oond tot gaar. Sit voor saam met die sous.