Keer nou al later se berou
Solank ’n mens leef, het jy kans om te verhoed dat jy eendag berou gaan hê oor jou lewensloop
AL OOIT gewonder waaroor die meeste mense op hul sterfbed spyt is? Die Australiese verpleegster en berader Bronnie Ware het in 2009 in ’n artikel vertel wat sy uit die laaste oomblikke van haar pasiënte geleer het, en die wêreld laat gons.
Mense wens hulle het liewer hul drome nagestreef en nie die lewe probeer leef wat ander van hulle verwag het nie, het sy geskryf.
Baie het gewens hulle het hulself nie so oor ’n mik gewerk nie; ander dat hulle meer dikwels hul mening gelug en beter kontak met goeie vriende behou het. En baie was jammer dat hulle nie hulself toegelaat het om gelukkiger te wees nie.
Sy het later ook ’n boek, The Top Five Regrets of the Dying, daaroor geskryf. En jare later praat mense steeds oor Bronnie se insigte langs die sterfbed.
“Wanneer iemand aan die einde van hul lewe is, is dit natuurlik om terug te kyk op alles wat hulle gedoen en geleer het. Saam met dié oënskou kom perspektief,” sê dr. Nelmarie Boshoff, ’n sielkundige van Roodepoort.
Die groot vraag bly natuurlik: Hoe gemaak as ’n mens berou aan die einde van jou lewenspad wil vermy?
1EK WENS EK HET NIE SO HARD GEWERK NIE
Om te hard te werk beteken jy kry nie uit wat jy insit nie, verduidelik Refilwe Marathe, ’n lewensafrigter van The Human Refinery in Johannesburg.
“Jy verdien dalk baie geld, maar het te min tyd vir jouself en jou gesin,” sê sy.
Refilwe sê die g gevaarligteg moet flikker wanneer jou werk jou lewensgehalte nadelig beinvloed. Dis ’n gevaarteken wanneer jy opsien daarna om werk toe te gaan of jy voel jy word nie by die werk waardeer nie. Konflik in jou huwelik of met jou kinders kan ook wys jy werk te hard, sê Brian Blem, ’n sielkundigeg van Dainfern in Gauteng. Maar hoe gemaak? “Ontleed jou werkomgewing, besluit wat moet verander en maak daardie veranderings,” sê Refilwe. “Maak“M seker jy verlaat die kantoor op ’n redelike tyd en moenie jou werk huis toe vat nie.” Brian sê dit is belangrik omo perke te stel. “Jy moet bepaal wat vir jou toelaatbaar is en wat nie. “En jy moet dit (aan die betrokkeb partye) verduidelik.”d