BESSIE-EN-TIEMIESKONS
Hierdie spoggerige skons word gebak met hul eie konfyt klaar in die middel. Sit die lekkerny voor saam met styf geklopte room en vars basilie uit jou kruietuin. Wenk: Gebruik die kleur van die konfyt as inspirasie wanneer jy die Moedersdag-teetafel dek. Herhaal dit byvoorbeeld in die breekgoed en servette.
LEWER 16-18 SKONS Bereiding: 20 min. Staan: 10 min. Gaarmaak: 10-15 min. COMPOTE 350 g gemengde bessies (vars of bevrore) 60 ml (¼ k) suiker 60 ml (¼ k) water SKONS 500 ml (2 k) koek
meel 125 ml (½ k) suiker 10 ml (2 t) bakpoeier 2 ml (½ t) sout 15 ml (1 e) gedroogde
tiemie 125 g koue botter,
in blokkies gesny 1 eier 125 ml (½ k) karringmelk AFRONDING 60 ml (¼ k) melk Voorverhit die oond tot 190 °C. Voer ’n bakplaat uit met bakpapier en strooi ’n bietjie meel oor.
1 Compote Plaas al die bestanddele in ’n klein kastrol. Verhit en roer tot die suiker opgelos is. Laat stadig prut tot die mengsel dik en stroperig is (soos konfyt). Hou eenkant en laat afkoel.
2 Skons Meng die koekmeel, suiker, bakpoeier, sout en tiemie in ’n groot mengbak.
3 Vryf die botter met jou vingers by die mengsel in tot dit soos broodkrummels lyk.
4 Klits die eier en karringmelk saam en voeg by die meelmengsel. Meng goed, vorm die deeg, in ’n bol, bedek en laat 10 min. rus.
5 Rol die deeg onge- veer 1,5 cm dik op ’n meelbestrooide oppervlak uit.
6 Smeer van die bessie-compote op die een helfte van die deeg en vou die ander oor soos ’n toebroodjie.
7 Afronding Druk vorms uit die deeg en pak versigtig op die bereide bakplaat. Verf liggies met die melk en bak 10-15 min. of tot goudbruin en gaar.