TRADISIONELE PAMPOENKOEKIES MET WARM VLASOUS

Min dinge is op ’n koue winterdag so lekker soos warm pampoenkoekies met vlasous. LEWER 10-12 PAMPOENKOEKIES Bereiding: 15 min. Gaarmaak: 20 min. PAMPOENKOEKIES 500 g gaar, fyngemaakte pampoen 250 ml (1 k) koekmeel 10 ml (2 t) bakpoeier 2 ml (¼ t) sout 1 eier, geklits ’n bietjie olie vir braai SOUS 15 ml (1 e) botter 250 ml (1 k) melk 125 ml (½ k) water 125 ml (½ k) ligte

bruinsuiker 30 ml (2 e) vlapoeier ’n knippie sout

Pampoenkoekies

Klits al die bestanddele buiten die olie goed saam. Verhit die olie in ’n kleefvrye pan en skep hopies van die mengsel met ’n lepel daarin. Braai oor matige hitte tot ligbruin. Draai die koekies om en braai tot ligbruin aan die ander kant.

Herhaal tot die mengsel op is. Hou eenkant.

Verhit die botter, melk en water saam in ’n kastrolle-

Sous

tjie. Meng die suiker, vlapoeier en sout. Giet ’n bietjie van die melkmengsel by die suikermengsel tot ’n pasta vorm.

Giet die vlapasta by die res van die melkmengsel en verhit. Roer aanhoudend tot die mengsel begin verdik. Laat prut 1 min. stadig en sit voor saam met die pampoenkoekies.

PAMPOENMELKTERT

Ons kombineer twee gunstelingterte en maak ’n spogtert. LEWER 1 GROOT MELKTERT Bereiding: 20 min. Gaarmaak: 30-35 min. 400 g skilferkorsdeeg 1 eier, geklits ’n bietjie fyn kaneel vir

oorsprinkel VULSEL 250 ml (1 k) melk 1 kaneelstokkie 60 ml (¼ k) ligte

bruinsuiker 45 ml (3 e) koekmeel 30 ml (2 e) mielieblom 2 eiers, geskei 500 ml (2 k) gaar, fyngemaakte pampoen 5 ml (1 t) bakpoeier ’n knippie sout Voorverhit die oond tot 180 °C en bespuit ’n 23 cm-blikbord goed met kossproei.

Rol die skilferkorsdeeg liggies uit op ’n meelbestrooide oppervlak. Voer die blikbord tot op die rande uit met die deeg. Verf die rande liggies met die eier en plak nog ’n kraag deeg bo-op. Verf die kraag ook lig- gies met die eier.

Prik die bodem van die deeg ’n paar keer met ’n vurk en hou in die yskas tot benodig.

Verhit die melk en kaneelstokkie in ’n kastrolletjie tot net voor dit kook.

Klits die suiker, koekmeel, mielieblom en eiergele goed saam. Giet die melk bietjies-bietjies by die eiergeelmengsel terwyl jy aanhoudend klits. Giet die mengsel terug in die kastrol.

Sit die kastrol op lae hitte en roer aanhoudend tot die mengsel begin verdik. Laat prut ’n minuut en verwyder van die hitte. Roer die pampoen by en hou eenkant tot afgekoel.

Klits die eierwitte styf en vou saam met die bakpoeier en sout by die pampoenmengsel in.

Skep die mengsel in die kors en bak 30-35 min. of tot die vulsel gestol is en die deeg goudbruin. Sprinkel die kaneel oor, laat afkoel en sit voor.

Vulsel