COLIGNY: WAAR IS DIE LEIERS?
Ek wil my hare uit my kop trek wanneer ek oor Coligny lees. Waar is ons politieke leiers terwyl ’n gemeenskap homself vernietig? Waar is Jacob Zuma, Cyril Ramaphosa en die DA se Mmusi Maimane?
Dekades se wanhoop, woede en frustrasie is onderliggend tot die geweld op Coligny. Desperaatheid gebore uit armoede waaruit mense geen uitweg sien nie. Dekades van politieke beloftes wat nie nagekom is nie. Vrot dienslewering wat mense se lewe versuur. Rassisme is daar sekerlik ook.
Maar dis nie al rede nie. Waar is die politieke leiers? Want die frustrasie wat so diep deur die gemeenskappe van Coligny loop, bestaan ook elders in die land. Wat gebeur as die vlamme elders uitslaan? DOEN IETS, CARLETONVILLE Ek geniet elke week se Local Is Lekker in Huisgenoot sommer baie. Daar is sulke mooi, talentvolle mans en vroue in die plaaslike vermaakbedryf. Hulle maak ’n mens trots. Pascal Pienaar is een van my gunstelingaktrises. Girl, daardie Lindtpaashaas is ’n groot geskenk (Local Is Lekker, 11 Mei). LENI, SASOLBURG Die Sluipjagter, Dibi Breytenbach se kortverhaal in Huisgenoot van 4 Mei, is die beste storie wat ek in ’n baie lang tyd gelees het. Dibi se potensiaal moet beslis verder ontwikkel word. MARIANNE My komplimente aan 7de Laan se skrywers, wat soms riskante aktuele temas in suksesvolle storielyne omtower. Die Mej. Volrond Vrou-kompetisie was veral verfrissende vermaak. Die Laan het ’n briljante groep akteurs; hulle is almal so netjies en stylvol. En die kameramense is voorwaar meesters. Ons waardeer wat julle almal doen. ETTIENE EN YOLANDI