BEESVLEIS-EN-BIERPASTEI
GENOEG VIR 4-6 MENSE Bereiding: 15 min. Gaarmaak: net langer as 2 uur
1-1,5 kg potjiekos
beesvleis sout en peper 30 ml (2 e) olie 2 uie, in skyfies gesny 4 knoffelhuisies,
fyngedruk 2 wortels, in stukke
gesny 2 lourierblare 1 roosmaryntakkie 45 ml (2 e) meel 500 ml (2 k) bees
vleisaftreksel 1 x 330 ml-blikkie bier 500 g skilferkorsdeeg 1 eiergeel, gemeng
met 5 ml (1 t) water 5 ml (1 t) mosterd
saadjies, opsioneel Bespuit ’n oondbak goed met kossproei.
1 Geur die vleis oraloor met die sout en peper. Verhit die olie in ’n kastrol en braai die vleis in sarsies tot lekker bruin. Skep uit en hou eenkant.
2 Braai die uie in dieselfde pot tot bruin. Voeg die knoffel by en roerbraai 1 min.
3 Voeg die wortels, lourierblare en roosmaryn by. Skep die vleis terug in die pot en sprinkel die meel oor. Meng goed.
4 Giet die aftreksel en bier by en laat prut 1½ uur of tot die vleis sag is en van die been afval. Voeg nog water by as die stowe te droog kook.
5 Haal die bene uit en hou die vleis (in die sous) eenkant om af te koel.
6 Voorverhit die oond tot 200 °C. Voer die oondbak met die deeg uit. Skep die vleis (met van die sous) in die deeg. Verf die kante met ’n bietjie van die eiermengsel.
7 Bedek die vulsel met enige oorblywende deeg. Druk om die kante vas en verf die hele bokant met die eier. Sny ’n gleufie in die middel van die pastei en sprinkel die mosterdsaadjies oor (indien gebruik). Bak 35-40 min. of tot die deeg goudbruin en gaar is.
(Blaai om)