WIE IS HULLE?

Verskeie koophulporganisasies bestaan, onder meer Pretorium Trust, Iemas, Samba, Kaapse Verbruikers en Koopkrag. As jy aansluit, kry jy ’n koopkaart wat aanvaar word by winkelgroepe soos Shoprite, Checkers, Woolworths, Game, Ackermans, Pick n Pay, Pep, Edgars, CNA en DisChem. Elke groep het lyste van verskaffers, en dit kan duisende winkels landwyd insluit. Boonop werk die koopkaarte deesdae nasionaal. Jy hoef byvoorbeeld nie in die Vrystaat te woon om by Samba aan te sluit nie.