HOE KOOP JY?
Die koopkaart werk amper soos ’n kredietkaart. Jy kry ’n maandelikse kooplimiet wat ingevolge die Kredietwet bereken word op grond van jou inkomste en bekostigbaarheidsprofiel. Elke maand kry jy ’n rekeningstaat van die koophulporganisasie waartoe jy behoort. Jy moet maandeliks die volle bedrag terugbetaal – rentevry. Betaal jy net ’n gedeelte, verloor jy die bonus en moet jy ook rente betaal. Alle uitgawes en aftrekkings word op die rekeningstaat uiteengesit.