MOTOR VAN DIE DOOD

Die Mercedes-Benz S-280 waarin Diana op haar noodlottige laaste rit gery het, was onpadwaardig, is in ’n nuwe dokumentêr onthul wat onlangs in Frankryk uitgesaai is. Die motor waarmee die chauffeur Henri Paul vir steelfotograwe in die Pont de l’Alma-tonnel probeer wegjaag het, was “skaars bestuurbaar”, sê ’n chauffeur wat vir die Ritz-hotel gewerk het waar Diana en Dodi daardie aand tuisgegaan het.

Die Mercedes het voorheen aan ’n bemarkingshoof behoort wat aan Franse joernaliste gesê het sy versekeringsmaatskappy het die voertuig afgeskryf nadat diewe dit gesteel en ’n ongeluk daar- meemee gemaak hethet.

Maar die skroothandelaar het dit herstel en aan ’n verhuringsfirma verkoop wat motors aan die Ritz verskaf het, word in die dokumentêr beweer.