Jak se reis van inspirasie
Die sanger JAK DE PRIESTER het Nederland onlangs besoek “om ’n bietjie uit Suid-Afrika te kom en geïnspireerg p te word. Dit was vir my ’n kulturele reis vol kuns en kultuur, teater, ander mense, ander tale en ander dinge,” vertel hy.
“Ek het wonderlike tye gehad. In Amsterdam het ek die Belgiese sanger Stef Bos ontmoet, een van sy optredes gesien, ’n klomp dorpies in die omgewing besoek, op kanale gevaar en met kontakte oor moontlike konserte gesels.”
Hy het ook drie dae in Parys deurgebring en onder meer na tenniswedstryde by die Franse Ope gekyk. “Dit was ongelooflik om die Spaanse tennisspeler Rafael Nadal te sien speel!
“Op so ’n alleenreis dink ’n mens baie en waardeer weer wat jy het. Ek’t verskriklik verlang, veral na my vrou en kinders.”