Nuwe liefde vir Roland
Oe-la-la! Daar is ’n nuwe liefde in die Olimpiese swemmer ROLAND SCHOEMAN se lewe! Hy en ADRIANA OLSEN, ’n Amerikaner, het hul verhouding verlede maand amptelik op Facebook aangekondig.
Die paartjie was ook onlangs met ’n romantiese vakansie na Indonesië. “’n Klein eilandblaaskans saam met my jellieman,” het Adriana op Instagram by hul vakansiefoto’s geskryf.
Die twee het alte lekker in die water baljaar en drankies uit kokosneute geniet.
“Die oomblik toe ek jou sien, het ek geweet ’n avontuur is gereed om te gebeur,” het Adriana die woorde van die tekenkarakter Winnie the Pooh by nog ’n foto van hulle geskryf.