Local Is Lekker
Vadersdag is om die draai – e en kyk net wat ’n goeie pappa is die oud-Springbok Bryan Habana! Hy en klein TIMOTHY (2) hang altyd heerlik saam uit.
Pa en seun het onlangs by hul huis in Frankryk, waar Bryan vir Toulon rugby speel, duikbrille opgesit om hul swembad saam te verken.
Hulle het onlangs ook die pastei-in-jou-gesig-speletjie nader getrek. Klein Timothy het die oorhand gehad en Bryan was die een wat ’n gesig vol room gehad het! Timothy vier vandeesmaand sy derde verjaardag, en kyk ’n mens so na die vreugdevolle oomblikke tussen die klein mannetjie en sy rugbyspeler-pa, kan ons nie wag om te sien wat sy verjaardagpartytjie alles inhou nie! TrotseTr ouers is die sanger KURT DARREN en sy vrou, DUNAY, beslis. Hulle deel alte graag foto’s in die sosiale media van hul dogtertjie, KYRAH (2), en seuntjie, KADE (8 maande). Kurt is duidelik ’n pa duisend wat selfs nie skroom om sy blouoogdogtertjie se pienk bril te dra omdat sy pappa s’n verkies nie. “Wel, my engel hou meer van my bril, pappa se plig mos,” lui ’n Facebook-inskrywing by ’n foto van dié kostelike oomblik. En terwyl Kade op ’n swemuitstappie ewe koel in sy swembroek lyk, is arme Dunay sopnat. Dit is duidelik dié twee kleingoed is vir hulle enige opoffering werd. Kyk net hoe dierbaar is die sanger ARNO JORDAAN en vroulief Lizanie se twee seuntjies, MILAN (3) en
LUKA (9 maande). “Jammer as ek julle irriteer met Facebook-inskrywings oor my kinders en familie, maar dis deesdae al waaroor ek wil praat en saam met wie ek elke dag wil wees,” het Arno by die oulikste foto’s van sy blouoogseuns in die sosiale media geskryf.
“Dis vir my die lekkerste ding ooit om twee gesonde, wonderlike seuntjies te hê. Dis waaroor die lewe gaan!” Ons stem saam, Arno. Hulle is darem pragtig!
Partytjietyd in die Strydom-huis . . . Die Expresso-aanbieder
EWAN STRYDOM en sy vrou, Adrienn, se jongste, DOMINIC, het onlangs twee jaar oud geword het.
Terwyl vir hom gesing is, het die vriendelike knapie sy verjaardagkoek – in die vorm van die strokieskarakter Peppa Pig – bewonder.
Sy ouboet, KEAN (4), kon duidelik nie wag om daaraan weg te lê nie en het opgewonde vir sy kleinboet beduie hoe die koek gesny gaan word.