Jou Sterre
KREEF
21 JUN – 21 JUL Jou persoonlike jaar staan einde se kant toe; daarom is dit ’n goeie week vir nadenke. Moenie jou blind staar teen die verlede nie. Gebruik eerder hoogte- en laagtepunte van die afgelope jaar as riglyne vir die toekoms. Wanneer Mercurius, die denker, jou teken teen die einde van die week binnegaan, sal jy jou gedagtes makliker met gevoel kan laat vorm aanneem. Jy loop die gevaar om mismoedig te raak. Probeer optimisties bly. GELUKKIGE NOMMERS 5, 29, 15, 32, 38, 32
LEEU
22 JUL – 22 AUG Jy kan dié week ietwat bedees voel, wat ongewoon is vir ’n opgewekte Leeu, wat gewoonlik die middelpunt van die aandag is. Moet jou nie bekommer nie. Dit sal oorwaai en binnekort sal jy weer vol lewenslus wees. Ongelukkig is dit geen week vir pret nie; dis tyd om die lewe ernstiger op te neem. Die goeie nuus is dat jy jou persoonlike drome sal vervul as jy alles uithaal. GELUKKIGE NOMMERS 11, 3, 24, 38, 6, 47
MAAGD
23 AUG – 22 SEP Jy sal moet kophou as jy in jou loopbaan wil uitblink. Misverstande en verwarring in jou verhouding met jou maat of vennoot kan jou aandag van jou werk aflei. Gesinsverpligtings en huishoudelike take kan jou boonop minder doeltreffend maak en jou vordering vertraag. Gelukkig is jou vermoë om jou prioriteite te bepaal en die belangrikste dinge eerste te doen ’n hulpmiddel. GELUKKIGE NOMMERS 9, 18, 34, 47, 45, 42
WEEGSKAAL
23 SEP – 22 OKT Of jy nou voor persoonlike of loopbaankeuses te staan kom, vermy dit om in hierdie stadium groot besluite te neem. Jy het dalk nog nie al die feite nie. As Weegskaal is jy geneig tot besluiteloosheid, en dit steek vandeesweek kop uit. Wag rustig vir hierdie fase om oor te waai. Oorweeg gerus intussen jou opsies, maar moet nog nie kies nie. GELUKKIGE NOMMERS 36, 2, 31, 6, 12, 39
SKERPIOEN
23 OKT – 21 NOV Mercurius, die planeet van netwerke, beweeg hierdie week in ’n medewaterteken in. Dit sal dit vir jou makliker maak om met ander te skakel, selfs al is jy nie ’n spraaksame mens nie. Jy sal waarskynlik onderstrominge kan aanvoel en die atmosfeer kan peil. Dit sal jou help om jou weg te baan. Op ’n ander noot: Gee gerus aandag aan jou geestelike lewe GELUKKIGE NOMMERS 35, 46, 17, 42, 14, 27
BOOGSKUTTER
22 NOV – 20 DES Dit kan ’n moeilike week wees, veral as jy die soort Boogskutter is wat hoog mik en ver reik. Mense of omstandighede kan jou nou in jou spore stuit. Al is dit frustrerend, kan hierdie struikelblokke jou keer om groot foute te begaan, veral as jy daartoe geneig is om oorboord te gaan of ietwat lomp te wees, of dit nou met woord of daad is. GELUKKIGE NOMMERS 49, 4, 20, 45, 19, 22
STEENBOK
21 DES – 20 JAN Verborge krag kan jou dié week help sukses behaal, of jy kan jou met selfvernietigende gewoontes in die voet skiet. Alles hang van jou ingesteldheid en keuses af. Probeer dus optimisties bly en beskou die beker as half vol, veral as jy geneig is om swartgallig te wees. Al is jy ’n realis, is dit tyd dat jy jou wense visualiseer. Dit kan jou drome help bewaarheid. GELUKKIGE NOMMERS 13, 30, 8, 39, 26, 48
WATERDRAER
21 JAN – 18 FEB Al speel jou vriende ’n groot rol in jou lewe, sal jy waarskynlik hierdie week jou eie geselskap verkies. Vergaderings en konferensies verveel jou boonop nou, want die benadering is te tradisioneel en die gedrag te konvensioneel. As Waterdraer het jy waarskynlik ’n onafhanklike streep; daarom sal jy glad nie omgee om jou eie ding te doen nie. GELUKKIGE NOMMERS 21, 16, 40, 12, 10, 1
VISSE
19 FEB – 20 MRT Mercurius, die meester van die intellek, gaan ’n medewaterteken binne en maak dit vir jou verspot maklik om jou verbeeldingskrag in te span. Probeer dit vandeesweek benut, want jy kan baie bereik as jy jou hart en siel daarin stort. Gee jou drome nou vlerke. Jou loopbaan en persoonlike lewe is nou ewe belangrik; probeer ’n balans tussen die twee handhaaf. GELUKKIGE NOMMERS 10, 43, 33, 27, 49, 13
RAM
21 MRT – 19 APR As jy soos die meeste Ramme is, doen jy waarskynlik graag baanbrekerswerk. Al kan die week op ’n onsekere noot begin, bly dit ’n goeie tyd om in jou buurt die leiding te neem. Dalk wil jy met ’n projek begin om die omstandighede van minderbevoorregtes te verbeter, jou omgewing op te knap of hawelose kinders by gemeenskapswerk te betrek. GELUKKIGE NOMMERS 1, 28, 7, 14, 36, 35
BUL
20 APR – 20 MEI Jou geldhoroskoop trek aandag. Dis goeie nuus vir Bulle, wat dit geniet om hul banksaldo te versterk. Wees aan die begin van die week versigtig, want geld kan maklik deur jou vingers glip, veral as jy graag besittings aanskaf. Moenie die waarde van gesamentlike hulpbronne onderskat nie. Dié beleggings kan die hoeksteen van jou finansiële portefeulje wees. GELUKKIGE NOMMERS 26, 23, 44, 22, 11, 9