Rygoed wat brandstofkopseer troef
Deur JUSTUS VISAGIE
DIT maak nie saak wat brandstof kos nie, dis altyd te duur. Om motors met elektrisiteit aan te dryf kos aansienlik minder, maar vir baie van ons is dit nog nie ’n realistiese keuse nie.
Dieselvoertuie is oor die algemeen meer brandstofdoeltreffend as petrolmodelle, maar veroorsaak meer lugbesoedeling. Die oplossing lê in veergewig-karretjies met ’n klein petrolenjin asook in hibriedvoertuie.