SO KAN LAND HERSTEL
Ek sit hier op ’n Sondagmiddag en dink aan die afgelope naweek se gebeure en oor die week wat voorlê. Môre gaan ons gesin ons paspoorte en ID-kaarte afhaal; ons gaan moontlik emigreer.
Hoekom? vra ek my af. Dit het vroegoggend tydens godsdiens begin. Die do- minee het oor depressie gepraat. Ek dink weer oor die naweek se koerantberigte. Korrupsie, staatskaping en geweldsmisdaad het die mooi dinge in die lewe vervang. Ek glo vas dat die probleme in ons land bydra tot die depressiegevalle.
My groot vraag is: Ek en my vrou is albei 48 jaar oud en het ’n jong gesin. Ek en my gesin wil nie langer depressief en bang wees nie. Hoe lank moet ons wag voor ons ons geliefde land verlaat om ons kinders in ’n veiliger omgewing en ’n beter ekonomie groot te maak?
Keer terug na ware Christendom en ons almal sal die mooi van die lewe saam kan ervaar. Dit sal ons leiers verryk met antwoorde op die land se probleme. DIE DE WETS, WESKUS