ENCHILADA-GEBAK
Die enchiladas kan tuis gemaak en dan net by die kampeerterrein gebak word. GENOEG VIR 4 MENSE Bereiding: 20 min. Gaarmaak: 20 min. (vooraf) Bak: sowat 15 min. ENCHILADAS 1 ui, gekap 2 knoffelhuisies, fyngedruk ’n bietjie olie 750 g ekstramaer beesvleis 5 ml (1 t) elk fyn komyn en
paprika sout en peper ’n hand vol koljanderblare 1 x 400 g-blik ingemaakte ta
maties, Mediterreense geur 6 tortillas 375 ml (1½ k) beleë cheddar,
gerasper ’n paar kersietamaties,
gehalveer AVOKADO-SALSA 1 avokado, in stukkies gesny 80 ml ( 1/ k) mieliepitte 3 1 klein ui, gekap appelasyn sout en peper
1 Enchiladas Braai die ui en knoffel in die olie tot sag. Voeg die maalvleis, speserye en koljanderblare by en braai tot geurig. Voeg die tamaties by en meng deur.
2 Verdeel die maalvleis tussen die tortillas, sprinkel ’n bietjie kaas oor en rol toe.
3 Pak styf teen mekaar in ’n hittebestande bak, skep die tamatiemengsel op en sprinkel die kersietamaties en die res van die kaas oor. (Bedek met tinfoelie en hou verkoel tot jy dit nodig kry.)
4 Plaas die bak in ’n warm skottelbraai, sit die deksel op en “bak” tot die kaas gesmelt het. Dit kan op ’n soortgelyke wyse op ’n rooster oor die kole gaargemaak word.
5 Avokado-salsa Meng al die bestanddele en sit voor saam met die enchilada.