(Van vorige bladsy)

Aanlyn beleggingsplatforms: Hierdie instrumente, waaronder Easy Equities en Satrix, is ’n gerieflike manier om onder meer regstreeks in aandele te belê, maar Thomas waarsku dat jy dan eers deeglik navorsing moet doen om teleurstelling te voorkom.

Sulke aanlyn platforms gee die deursnee-verbruikerondermeer“gedeeltelike” blootstelling aan die aandelemark, sê Will. Dit beteken jy het nie duisende rande nodig om in aandele te belê nie.

Jy kan natuurlik ook in ander bateklasse buiten aandele belê en heeltyd sien hoe jou beleggings vorder. Maar jy moet dit gereeld monitor en op die hoogte bly van nuwe inligting.

Eiendom: Jykan’nbykomendeeiendom soos ’n meenthuis of woonstel aanskaf met die oog op ’n huurinkomste of herverkoop teen ’n wins, sê Nico. Maar mik na iets met lae heffings, dienstariewe en eiendomsbelasting.

As jy nie kans sien vir huurder- of instandhoudingsprobleme nie, kan jy ook belê in genoteerde eiendom, dit wil sê aandele in of effektetrustblootstelling aan eiendomme soos woonstel- en kantoorblokke en winkelsentrums. Danksy voortdurende verstedeliking behoort dit ’n taamlik veilige belegging te wees.