WAT WYS NOG?

TONI ERDMANN

Swart komedie. Met Sandra Hüller en Peter Simonischek. Regisseur: Maren Ade. Ouderdomsperk onbekend. Begin op 16 Junie.

Hierdie Duitse rolprent en The Salesman was die twee gunstelinge om die Oscar vir beste buitelandse rolprent te wen, maar laasgenoemde het met die louere weggestap. Toni Erdmann sou net so ’n goeie kandidaat gewees het. ’n Eksentrieke pa wat sy stywelip-dogter wat in die korporatiewe wêreld werk poetse bak om haar te laat ontspan, bewerkstellig ’n versoening tussen hulle. Gitswart humor, skokkende seksuele tonele, naaktheid en uitstekende spel kenmerk hierdie aweregse rolprent. Net vir kunsfoendi’s.